Kthesë e çuditshme në sagën e stërzgjatur Arsenal – Calafiori

Bologna i ka kërkuar Riccardo Calafiorit që të marrë pjesë në stërvitjet parasezonale, sepse negociatat me Arsenalin janë bllokuar mbi një diferencë prej 10 milionë eurosh mes ofertës dhe vlerësimit.

Marrëveshja në dukje u bë disa javë më parë për 54 milionë euro, por duket sikur kjo shifër përfshin shumë shtesa dhe bonuse të lidhura me performancën, ndërsa Rossoblu do të preferonte një tarifë të garantuar.

Lexo po ashtu Çfarë po ndodh mes Arsenalit dhe Calafiorit? Fabrizio Romano me përditësim të rëndësishëm

Ata nuk do t’i marrin të gjitha, kështu që duhet të jenë të përqendruar, sepse FC Basel ka të drejtën për 40 për qind të tarifës së shitjes.

Kjo u ra dakord kur skuadra zvicerane e shiti Calafiorin te Bologna për vetëm katër milionë euro një vit më parë dhe që atëherë ai ka shpërthyer, duke e ngritur më tej profilin e tij me paraqitjet për Italinë në Euro 2024.

Me gjithë këtë në mendje, Bologna dëshiron të paktën 50 milionë euro në para, plus shtesa, për ta shitur 22-vjeçarin te Arsenali.

Nëse jo, atëherë Sky Sport Italia raporton se ata janë më se të lumtur për të mbajtur mbrojtësin dhe i kanë kërkuar që të ndjekë stërvitjen parasezonale me trajnerin e ri Vincenzo Italiano. /Telegrafi/