KSHZ sot do të informojë se kur do të publikohen 39.502 votues ”problematik”, që shumica pritet të jenë shqiptarë
Komisioni shtetëror zgjedhor dje miratoi Udhëzimet për kontroll, me se që nga sot, prej orës 8:30 deri në orën 19, 39.502 votues të kontestueshëm do të mund ta verifikojnë të drejtën e tyre për të votuar, në një nga zyrat rajonale të KShZ ose në 18 zyrat që do të hapen nëpër komuna, transmeton Telegrafi Maqedoni.
Vërtetimin se kanë të drejtë vote, do ta dëshmojnë me dokument të vlefshëm për identifikim personal. Gjithashtu ekziston opsion për paraqitje nëpërmjet ueb faqes së KShZ, me ç’rast personi duhet ta mbushë aplikimin elektronik dhe ta skanojë letërnjoftimin apo pasaportën.
“Çdo qytetar duhet ta plotësojë aplikimin elektronik të përgatitur dhe të vendosur në ueb faqen e KSHZ-së me shënimin e numrit amzë. Me këtë rast, votuesi duhet ta paraqesë edhe një dokument identifikues të skanuar apo të fotografuar, që mund të jetë ose letërnjoftimi ose pasaporta. Është e rëndësishme të përmendet se me këtë rast, duhet të duket qartë vendi i lindjes dhe adresa e vendbanimit”, ka thënë Atanas Urumov.
Silvana Boneva ka thënë se KShZ nuk ka për qëllim të fshijë votues nga lista, por se nëpërmjet kësaj fushate, t’i ndihmojë qytetarët që nuk janë gjetur gjatë kontrollit të kryqëzuar, ta realizojnë të drejtën për të votuar.
“Fillojmë me një operacion të vëllimshëm për të cilën na duhet një mbështetje e gjithanshme, përfshi edhe nga mediat. Dëshirojmë dhe apelojmë për kampanjë pozitive, sepse ishim dëshmitarë të shumë dezinformatave. Ky nuk është moment kur duhet të nënçmohet një organ i caktuar, sepse ne si KShZ por edhe të gjithë institucionet shtetërore që na janë në dispozicion, duhet të bëjmë përpjekje të përbashkëta dhe të kemi sukses”, ka thënë Boneva.
Bedredin Ibraimi ka theksuar se këta 39.502 votues janë hequr nga numri i përgjithshëm i votuesve, me ç’rast, pas përfundimit të operacionit do të shtohen ata qytetarë që e kanë respektuar afatin ligjor dhe i janë përgjigjur thirrjes së KShZ.
“Me ndryshimet e Kodit zgjedhor, lista zgjedhore për zgjedhjet e parakohshme pakësohet për këtë numër dhe përmban 1 milion e 764 138 votues. Këta 39. 502 votues që do ta fitojnë të drejtën e votës, duhet të verifikohen në pajtim me udhëzimet tona”, tha ai.
Sipas informatave të KShZ në këtë operacion do të përfshihen Drejtoria për evidencë amë, Ministria e brendshme dhe ministria e jashtme. Ky operacion do të mbikëqyret edhe nga përfaqësuesit e partive të cilët çdo ditë do të mund të parashtrojnë vërejtje. Pas përfundimit të operacionit, do të publikohet lista e personave që janë verifikuar dhe i njëjti do ti shtohet numrit të përgjithshëm të Listës zgjedhore.
Nënkryetari i Qeverisë së Maqedonisë Nikolla Todorov siguroi mediat maqedonase se nga këto 39.502 do të jenë shqiptarë nga zona e gjashtë zgjedhore.
“Shumica e votuesve që do të fshihen nga listat e votimit janë shqiptarë dhe janë votues në njësisë zgjedhore numër 6” tha mes tjerash Todorov. Këtë konstatim të Todor nuk mori guxim asnjë parti shqiptare që ta kundërshtojë./Telegrafi/
Lufta Prigozhin - Putin
Më shumëNga Rubrika
Në Klinikë punonin persona pa kontrata pune, Inspektorati ua ndalon hyrjen në Klinikën e Toksologjisë në Shkup
Stano: Për largimin e masave vendosin shtetet anëtare të BE-së, jo politikanët e Kosovës
Zhvilluan gara në rrugën Gjilan-Kamenicë, policia ua ndalon vozitjen për një vit dy shoferëve
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Protestuesit hyjnë në Kuvend me pankarta për të drejtën e votës së emigrantëve, hedhin letra drejt deputetëve
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Mentor Latifi emërohet ambasador i Kosovës në Zvicër
A po kushtëzohet anëtarësimi i Kosovës në Këshill të Evropës me themelimin e Asociacionit?
Aktivisti i Luginës, Muharrem Salihu kandidati i parë nga Italia për zgjedhjet në Parlamentin Evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit