Nexhat Demaku sot do të japë dorëheqje nga pozita e kryetarit të komunës dhe të kryetarit të degës së PDK-së në Drenas.
Ky vendim vjen pasi që Gjykata e Apelit ua ka konfirmuar dënimin që ka dhënë Gjykata Themelore e Mitrovicës më 15 maj të vitit 2015. Nexhat Demaku ishte dënuar me 3 vjet burg së bashku edhe me vëllanë tjetër Fadil Demaku në rastin “Drenica II”.
“Unë nesër do të japë dorëheqje nga pozita e kryetarit të komunës dhe kryetarit të degës së PDK-së në Drenas”, tha Demaku për KosovaPress.
Me gjithë këtë, kryetari i Drenasit tha se asnjëherë nuk do ta pranojë këtë vendim që ka dhënë Gjykata, pasi që sipas tij, këto veprime për të cilat janë dënuar ai bashkë me vëllezërit dhe bashkëluftëtarët e tij.
Demaku tha se krejt ky proces prej fillimit deri në fund ka qenë jo i rregullt dhe i montuar. Vet fakti sipas Demakut që lënda është transferuar në veri që ai e quan vendin më të jashtëligjshëm në Evropë, tregon qëllimin e misionit.
“Ky proces është nisur me një qëllim që të njolloset UÇK-ja dhe se ky dënim është dënim i një grupi të radhës së UÇK-së pasi që edhe më herët janë dënuar bashkëluftëtarë tjerë”, tha Demaku për KosovaPress.
Sipas tij, tendenca është që të kriminalizohet UÇK, por sipas tij nuk kanë me ia arrit këtë pavarësisht këtyre tendencave. Ai shtoi se nuk e pranon këtë vendim dhe se nuk i beson drejtësisë ndërkombëtare në asnjë nivel.
“Nuk kam arsye sepse jam vet viktimë e këtij procesi, sepse ky gjyqësor është një mision që ka qëllime të caktuara. Kushdo, që do të kishte filluar nga e para rezultati do të ishte ndryshe”, thotë Demaku.
Megjithatë, Deamku tha se nuk do të ndalin së kërkuari të drejtën e tyre nëpërmes ligjit pasi që siç tha do të shfrytëzohet edhe procedura e ardhshme për mbrojte të ligjshmërisë.
Nexhat Demaku tha se edhe vëllai i tij Fadil Demaku do të jap dorëheqje nga pozita e deputetit të Kuvendit të Kosovës.
Apeli ua ka konfirmuar dënimin edhe dy vëllezërve tjerë Zeqir dhe Jahir Demaku me nga 6 vjet burg, Isni Thaçit me 6,5 vjet burg, Sylejman Selimit ia kanë zvogëluar një vit burg në 7 nga 8 që ishte dënuar si dhe vëllezërve Demaj, Bashkim, Driton, Selman dhe Agim Demaj me tri vjet burg. Të gjithë këta janë dënuar për krime lufte në rastin e njohur si “Drenica II”.
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, cilat janë vendet skeptike që duan fillimisht asociacionin?
Konkursi i dyshimtë i Policisë, IPK: Do t’i verifikojmë informatat
AGK-ja dënon intimidimin publik të deputetit Dimal Basha ndaj gazetares së RTK-së
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Drejtori i RTK-së: Gjuha e përdorur nga deputeti Dimal Basha, e papranueshme
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe