Kryeministrja finlandeze zotohet t’i kthejë paratë e keqpërdorura për shujtat e mëngjesit

Kryeministrja e Finlandës, Sanna Marin, është zotuar të ripaguajë shpenzimet e shujtës së mëngjesit në një përpjekje për të përmbajtur pasojat nga zbulimet në lidhje me mëngjeset e subvencionuara të familjes së saj.

Kryeministrja 35-vjeçare sqaroi se nuk do të kërkonte më shpenzime të tilla pasi u zotua gjatë fundjavës të paguante mbi 14,000 euro (12,46,613 INR) që ajo kishte marrë si kompensim për mëngjeset dhe vaktet e ftohta.

Lexo po ashtu Nën hetime Sanna Marin, kryeministrja finlandeze shpenzoi 500 euro më shumë për një muaj në shujtën e mëngjesit

Ajo përmes rrjeteve sociale ka pohuar se “meqenëse ka pyetje të hapura në lidhje me shtesën e vaktit, unë do t’i paguaj vetë shpenzimet”, raporton republicworld.

Më vonë në një intervistë me transmetuesin MTV3, ajo shtoi, “Unë nuk kam ndërmend të përdor kompensimin e vaktit në të ardhmen, edhe nëse vendoset të jetë në përputhje me rregulloret”.

Ndryshe, Marin u përball me reagime të ashpra pasi kishte shpenzuar 850 euro për një muaj në ushqimin e mëngjesit, gati tre herë më shumë se sa duhet, gjegjësisht ajo ka të drejtë të shpenzojë 300 euro në muaj. /Telegrafi/

Pääministerin tehtäviin liittyvät palvelut ovat olleet vakiintuneita, mutta tästä huolimatta on ilmennyt, että asiaan liittyy epäselvyyttä. On hyvä, että asia selvitetään kunnolla.

— Sanna Marin (@MarinSanna) May 29, 2021