Prokuroria Speciale e Kosovës ka ngritur aktakuzë ndaj katër personave, përfshirë dy zyrtarëve të LVV-së, Arlind Manxhuka dhe Egzon Azemi për deklaratat e tyre në lidhje me rastin e Dejan Pantiqit.
Manxhuka dhe Azemi akuzohen për veprën penale “Nxitja e përçarjes dhe mos durimit”.
Ky rast lidhet me deklarimet e tyre për lirimin e ish policit serb Dejan Pantiq, i cili dyshohej për “terrorizëm në bashkëkryerje”.
Ish-polici serb, Dejan Pantiq, u arrestuar me 10 dhjetor të vitit 2022 në veri nga Policia e Kosovës.
Sipas Gjykatës, ekzistonte dyshimi se Pantiq ka kryer veprën penale kryerja e veprës terroriste.
Dyshimet ishin se Pantiqi ka marrë pjesë në një sulm kundër zyrtarëve të Komisionit Qendror të Zgjedhjeve në veri.
Pas arrestimit të tij, serbët në veri bllokuan rrugët, duke krijuar barrikada dhe gjuajtur shok bomba ndaj Policisë së Kosovës dhe EULEX-it.
Çështja e Pantiqit u bë temë në Kosovë derisa protestat e serbëve vijuan me javë të tëra. KFOR-i kishte refuzuar transferimin e tij nga Jarinja në Prishtinë.
Pak orë para ndërrimit të viteve (28 dhjetor 2022), Dejan Pantiqit i ishte zëvendësuar masa e sigurisë, nga ajo e paraburgimit në arrest shtëpiak.
Ky ndryshim i masës solli reagime të shumta në Kosovë, përfshirë edhe krerët më të lartë të shtetit.
Kryeministri kishte deklaruar se është kureshtar të di se kush është prokurori që ka bërë kërkesë për ndryshimin e masës së sigurisë ndaj Pantiqit, dhe cili gjyqtar e ka aprovuar.
“Kur ke akuzë për terrorizëm e të dërgohesh në arrest shtëpiak unë jam shumë kureshtar ta marr vesh se cili është ai prokuror që e bënë këtë kërkesë dhe cili është ai gjyqtar që e aprovon”, kishte shtuar Kurti.
Ministrja e Drejtësisë, Albulena Haxhiu kishte thënë se Kërkesa dhe vendimi për zëvendësimin e masës ndaj Dejan Pantiq, është akti më i rëndë që mund t’i bëhej vendit nga institucionet që do të duhej të ishin shembulli më i mirë i mbrojtjes së qytetarëve dhe rendit tonë kushtetues.
Derisa zëdhënësi i LVV-së, Arlind Manxhuka e kishte konsideruar akt tradhtie ndryshimin e masës së paraburgimit ndaj Pantiqit.
“Ky aktlirim është akttradhëti”, kishte shkruar Manxhuka në Facebook.
Pas këtyre deklaratave kishte reaguar edhe Këshilli Gjyqësor i Kosovës.
“Rikujtojmë Kryeministrin se gjyqtarët janë dhe duhet të jenë të pavarur gjatë ushtrimit të detyrave të tyre kushtetuese dhe ligjore”, kishte deklaruar KGJK.
Prokuroria Speciale e Kosovës nga ana tjetër kishte thënë se Pantiq u lirua për arsye humanitare pasi sëmundjen e tij e kishin konfirmuar ekipet e EULEX-it.
Pantiqit masa e arrestit shtëpiak i ishte vazhduar edhe disa muaj, kur ky I fundit u lirua nga arresti shtëpiak me dorëzani 30 mijë euro.
Derisa edhe kjo masë solli reagime të shumta./Telegrafi/
Nga Melodia Px
Nga Crystal Evapify
Nga Cinestar
Lufta Prigozhin - Putin
Më shumë
Nga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Konkursi për gradimin e policëve, dyshohet për favorizime të familjarëve të eprorëve
Italiania e dashuruar me Sarandën: Sa erdha thashë do të jetoj këtu, tani kam biznes
Meta: Ambasadorin italian do ta kisha shpallur “non grata” në Shqipëri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur