LAJMI I FUNDIT:

​Kritikat për favorizim të komunave që udhëhiqen nga LVV-ja, Murati: Është dezinformatë

​Kritikat për favorizim të komunave që udhëhiqen nga LVV-ja, Murati: Është dezinformatë
Foto: Arkiv

Ministri i Financave, Punës dhe Transfereve, Hekuran Murati e ka quajtur dezinformatë raportin e Institutit GAP, ku kritikohet pushteti se ka ndarë më shumë mjete për komunat që udhëhiqen nga Lëvizja Vetëvendosje.

Ai pas mbledhjes së Qeverisë së Kosovës, në konferencë për medie tha se komunat kurrë më shumë s’kanë pasur buxhet sesa në mandatin e tyre.

Murati nënvizoi se në raportin e Institutit GAP bëhet fjalë vetëm për 13 milionë nga 860 milionë euro investime kapitale.


“Kjo është e pavërtetë. Nëse qëllimi i atij raporti ka qenë dezinformomi i qytetarëve mund të themi që ia kanë arrit të dezinformojnë qytetarin, pasi kemi qytetarë të dezinformuar nga ai raport. Si bëhet ndarja buxhetore tani? Buxheti është i dedikuar për komunat siç i kemi prezantuar në grafikona, mund të shoh se për komunat janë 745 milionë euro buxhet i ndarë.

Kjo ndarje përcaktohet në bazë të formulës për kokë banori, për numër të nxënësve por edhe për persona mbi moshën 65 vjeç. Pra janë 745 milionë euro nga të cilat 645 milionë euro janë grant qeveritar dhe vetëm 100 milionë euro janë të hyra vetanake të komunave… Është e pavërtetë se ka dallim apo favorizim të komunave.

Ajo çka është prezantuar në atë raport dhe po tentohet të pasqyrohet edhe nga opozita bëhet fjalë për 13 milionë euro nga 860 milionë euro investime kapitale. Investimet janë 860 milionë euro, ndërsa raporti që pasqyron në atë tabelë është vetëm 1.5 për qind e buxhetit. Pra 98 për qind të buxhetit nuk e trajton ai raport, i cili ndahet në baza të barabarta dhe të drejta”, tha ai, raporton KosovaPress.

Instituti GAP analizon buxhetin për vitin 2024: Favorizohen komunat që udhëhiqen nga LVV
Lexo po ashtu Instituti GAP analizon buxhetin për vitin 2024: Favorizohen komunat që udhëhiqen nga LVV

Ndryshe, ditë më parë instituti GAP ka analizuar ndarjet buxhetore për vitin 2024, duke i krahasuar ato me vitin 2023.

Sipas analizës së bërë nga instituti GAP, thuhet se në hartimin e projektbuxhetit të vitit 2024, parashikohet një rritje e ngadalësuar e të hyrave dhe shpenzimeve buxhetore, me 5% dhe 3% respektivisht, duke arritur në shumën 3 miliardë euro dhe 3.3 miliardë euro.

Gjithashtu, GAP thotë se edhe këtë vit, qeveria ka ndarë më shumë mjete për komunat që udhëhiqen nga LVV.

“Këtë vit, vlera e investimeve kapitale të reja në komuna është 21.8 milionë euro. Ngjashëm me vitin e kaluar, edhe këtë vit, qeveria ka ndarë më shumë mjete për komunat e udhëhequra nga Vetëvendosje (VV), ku mbi gjysma e kësaj shume 13 milionë euro (59.5%) janë orientuar në katër komunat e udhëhequra nga VV (Gjilan, Kamenicë, Podujevë dhe Shtime)”.

Në trend Ekonomi

Më shumë
Hyn në fuqi vendimi i Ministrisë së Infrastrukturës, deri më 31 korrik ndalohet qarkullimi i automjeteve mbi 7.5 ton

Hyn në fuqi vendimi i Ministrisë së Infrastrukturës, deri më 31 korrik ndalohet qarkullimi i automjeteve mbi 7.5 ton

Ekonomi
Fitore e trent - shpallet fituesi i BMW X7 nga ‘Lojë e trent’ me Go+!

Fitore e trent - shpallet fituesi i BMW X7 nga ‘Lojë e trent’ me Go+!

GO+
Bien ​çmimet e naftës, shkak rritja e dollarit amerikan

Bien ​çmimet e naftës, shkak rritja e dollarit amerikan

Botë
Dhjetra biznese “injorojnë” vendimin për kufizim të orarit të punës, gjobiten nga inspektorati

Dhjetra biznese “injorojnë” vendimin për kufizim të orarit të punës, gjobiten nga inspektorati

Ekonomi
Edhe një finale sonte - u lansua aplikacioni më i ri për shitblerjen e veturave, VETURA SCOUT!

Edhe një finale sonte - u lansua aplikacioni më i ri për shitblerjen e veturave, VETURA SCOUT!

Vetura Scout
Shënuan gol dhe fituan këta persona nga Neptun Kosova!

Shënuan gol dhe fituan këta persona nga Neptun Kosova!

Neptun
Kalo në kategori