Krishtlindje që nuk mbahen në mend: Si kaloi festa në disa prej shteteve evropiane?

Coronavirusi këtë vit vodhi Krishtlindjet – miliona njerëz në të gjithë botën u detyruan të anulojnë ose kufizojnë festimet në një kohë kur një numër i madh i vendeve po sjellin kufizime të reja.

Pandemia ka marrë më shumë se 1.7 milion jetë dhe një numër i pikave të nxehta të reja po rriten pavarësisht vaksinimit gjersa jeta nuk do të kthehet në normalitet kaq shpejt.

Pjesa më e madhe e Evropës është përballur me një shpërthim tjetër, më të fuqishëm të virusit me të cilin po merret ende këtë vjeshtë.

Për shumë, izolimi, i cili shënoi pothuajse të gjithë vitin, do të shtrihet deri në Krishtlindje dhe periudhën pas asaj feste. Në Belgjikë, shumica e banorëve lejohet të marrin vetëm një mysafir, transmeton Telegrafi.

Britanikët janë shkëputur nga pjesa tjetër e botës për shkak të një lloji të ri të virusit që është shfaqur në ishull. Disa kufizime në kufijtë britanikë janë lehtësuar përkohësisht për pushimet, por mijëra evropianë janë ende të bllokuar në Angli.

Më shumë se një milion njerëz janë vaksinuar në Shtetet e Bashkuara deri më tani, por përgjigjja e shtetit ndaj coronavirusit mbetet kaotike.

Gjermania duhej të anulonte panairet e famshme të Krishtlindjeve gjersa Papa Françesku ka mbajtur meshën tradicionale dy orë më herët për shkak të respektimit të kufizimeve në shtetin italian.

Nata e Vitit të Ri do të mbahet në të njëjtën frymë si Krishtlindja. Mbyllja e plotë pas periudhës së Krishtlindjes kërcënon Skocinë, Irlandën e Veriut dhe Austrinë, dhe disa vende, të tilla, si Portugalia kanë vendosur orë policore shkaku i Vitit të Ri.

Italia në një bllokim të rreptë

Kryeministri italian, Giuseppe Conte ka njoftuar se një bllokim i ri do të ndodhë nga 24 deri më 6 janar. Nga java tjetër, nuk do të jetë e mundur të udhëtosh midis rajoneve dhe dalja do të lejohet vetëm në rast të shkuarjes në dyqan, për punë, shëndet ose për arsye urgjente.

Italia do të jetë nën masa të rrepta kufizuese gjatë gjithë pushimeve të dimrit. Dyqanet me furnizime jo thelbësore do të mbyllen midis 24 dhe 27 dhjetorit, 31 dhjetor – 3 janar dhe 5 dhe 6 janar, raporton index.hr.

Siç kemi shkruar tashmë, italianët kanë qenë në gjendje të shkojnë në meshë, por vetëm atje ku është ruajtur distanca fizike dhe standardet higjienike. Por autoritetet kanë inkurajuar sa më pak lëvizje gjersa oficerët e policisë kanë shpërndarë tubimet në sheshe dhe rrugë.

Shumica e qytetarëve italianë kanë ndjekur meshën e Papa Françeskut në televizion. Për më tepër, priftërinjtë u këshilluan të mbanin katër Mesha në ditë për të zvogëluar turmat gjatë vizitës.

Masa të rrepta në Spanjë dhe Portugali, pothuajse gjithçka ishte e mbyllur

Në Spanjë, kishat qëndruan të hapura, por të kënduarit dhe puthja e ikonave fetare ishte rreptësisht e ndaluar. Ceremonitë tradicionale të mesnatës u mbajtën, por vetëm në lidhje me shtetrrethimin e përcaktuar nga rajonet. Sidoqoftë, qytetarëve iu rekomandua të shikojnë meshën nga shtëpia përmes televizionit ose shërbimeve të tjera.

Restorantet, qendrat sportive dhe rekreative janë të mbyllura për një muaj nga 22 dhjetori dhe dyqanet po operojnë me kapacitet të kufizuar. Deri në 10 persona mund të mblidhen dhe për Vitin e Ri. Udhëtimi midis rajoneve është i kufizuar midis 23 dhjetorit dhe 6 janarit për të vizituar familjen dhe miqtë e ngushtë, përveç nëse rajonet vendosin të shtrëngojnë masat – gjë që disa prej tyre kanë vendosur të bëjnë, transmeton Telegrafi.

Autoritetet në Katalonjë kanë njoftuar se tubimet shoqërore janë kufizuar në gjashtë persona, me përjashtim të 25, 26 dhe 31 Dhjetorit dhe 1 dhe 6 Janar, kur deri në dhjetë persona nga dy familje të ndryshme do të jenë në gjendje të mblidhen.

Portugalia lëvizi shtetrrethimin natën nga ora 23:00 deri në 2:00 më 24 dhe 25 dhjetor, duke mos kufizuar se sa njerëz lejohen të mbledhin për Krishtlindje.

Nuk kishte orë policore në Francë

Në Francë, ku Gjykata e Lartë rrëzoi një vendim fillestar të qeverisë për të kufizuar numrin e besimtarëve në një kishë në 30, duke e deklaruar atë joproporcionale dhe shkelje të lirisë fetare, masat janë lejuar gjatë festave.

Rregullorja e re përshkruan sigurimin në distancë fizike dhe nuk ka pasur orë policore për Krishtlindje, transmeton Telegrafi.

Në Zvicrën fqinje gjithashtu, Gjykata Kushtetuese hoqi një ndalim të shërbimeve fetare në kantonin e Gjenevës në fillim të këtij muaji dhe tani është e mundur të mblidhen 50 besimtarë në kisha. Udhëheqësit protestantë dhe katolikë kishin kërkuar që ky kufizim të hiqet edhe gjatë Krishtlindjeve.

Në atë vend, restorantet, qendrat sportive dhe rekreative janë mbyllur për një muaj që nga 22 dhjetori, dhe dyqanet po operojnë me kapacitet të kufizuar.

Gjermania mbylli gjithçka përveç dyqaneve ushqimor

Kancelarja gjermane, Angela Merkel tha në mes të dhjetorit, kur u futën masa të reja në vendin e saj, se të gjithë duhet të udhëhiqen nga një “filozofi e të qëndruarit në shtëpi”.

Së bashku me udhëheqësit e shteteve federale, u vendos që të lejohej dalja gjatë pushimeve, por me duke mbajtur maskat, distancën fizike dhe regjistrimin e të pranishmëve. Përveç kësaj, të kënduarit është ndaluar.

Nga 16 dhjetori deri të paktën 10 janar, vetëm dyqanet me furnizime kryesore lejohen të veprojnë. Takimet private janë të kufizuara në pesë persona nga dy familje, përveç Krishtlindjeve kur deri në 10 persona do të lejohen të mblidhen, pa llogaritur fëmijët.

Belgjika e Holanda me masa të buta 

Në Belgjikë, gjithashtu, qeveria kishte hequr ndalimin shërbimeve fetare deri më 15 janar dhe kishte lejuar 15 besimtarë për kishë. Por, Kryeministri Alexander De Croo paralajmëroi vendin se mund të vuante pasojat e një “Krishtlindjeje të lumtur”.

Familjet ishin lejuar të ftojnë vetëm një person tjetër për Krishtlindje. Personat që jetojnë vetëm lejohen të marrin dy persona të tjerë. Fishekzjarrët janë të ndaluara për Vitin e Ri.

Një bllokim i rreptë pesë-javor u prezantua në Holandë më 15 dhjetor. Por, ai u largua gjatë pushimeve të Krishtlindjeve, kështu që 30 njerëz do të lejohen të marrin pjesë në meshë dhe të krishterët inkurajohen të festojnë Krishtlindjet në shtëpi me leximin e Biblës. /Telegrafi/