Kris Jenner këmbëngul se nuk ishte plani i saj publikimi i video-kastës seksuale të Kim Kardashianit me Ray J

Kris Jenner ka mohuar të ketë lidhje me skandalin e kasetave seksuale të Kim Kardashian, pasi Ray J pretendoi se ajo e kishte ‘menduar’ publikimin e saj.

66-vjeçarja, mori pjesë në një test të detektorit të ‘gënjeshtrës’ ndërsa u shfaq në emisionin “The Late Late Show” me James Corden së bashku me vajzën e saj Kylie Jenner të enjten (8 shtator).

Asaj iu bënë një sërë pyetjesh djegëse, duke përfshirë nëse ajo kishte ndonjë lidhje me publikimin e kasetës seksuale të Kimit në vitin 2002 me Willie ‘Ray J’ Norwood.

Kaseta nga ditëlindja e 22-të e Kimit në Cabo San Lucas me ish-in e saj u publikua në mënyrë të famshme nga Vivid Entertainment në një DVD 41-minutëshe të titulluar “Kim Kardashian, Superstar” në 2007.

Javët e fundit, Ray J ka pretenduar se Kris ishte ‘koka’ pas publikimit të kasetës seksuale, por ylli televiziv është kundërpërgjigjur ndaj akuzave, shkruan DailyMail.

Gjatë sfidës së detektorit të gënjeshtrës, James, 44 vjeç, e pyeti Kris: ‘A e ndihmove Kimin të lëshonte kasetën e saj seksuale?’.

Dhe Kris nuk u shmang t’i përgjigjej pyetjes duke thënë: “Është në rregull. Jo, jo”.

Pasi kolegu i James, John, i cili po punonte me makinën e detektorit të gënjeshtrës, konfirmoi se ajo në fakt po thoshte të vërtetën, Kris tha: “Ne e sqaruam këtë!”.

Kjo vjen pasi Ray J pretendoi se Kris ‘kishte ideuar’ publikimin e kasetës seksuale të tij dhe të Kim, tregoi ‘histori të rreme’ rreth tij dhe u përpoq të ‘shkatërronte’ familjen e tij.

Këngëtari, 41 vjeç, u fut në raundin e fundit të dramës mes Kanye West dhe Kim, pasi reperi publikoi mesazhe me tekst mes tij dhe ish-gruas së tij me një lutje nga Kris, e cila kërkoi Kanye të ndalonte me sulmet ndaj saj.

Ray J la një koment nën një postim në ShadeRoom, duke shkruar: “Po nëna ime Kris?” Ju u tregoni njerëzve histori të rreme për mua, duke e bërë një njeri me ngjyrë të duket i tmerrshëm, për përfitimin tuaj”.

Muzikanti më pas pretendoi se Kris ishte ai që e prezantoi atë me CEO-n e Vivid, Steven Hirsch.

Vivid ishte kompania që publikoi kasetën famëkeqe seksi mes Kim dhe Ray J në 2007.

“Më prezantove me Steve HIRSH, ke ideuar gjithçka në familjen tënde dhe u përpoqët të shkatërroni timen në të njëjtën kohë”, tha ai.

“A nuk mendoni se të gjitha nënat stresohen? Apo je e veçantë ? – E di që është histori e vjetër dhe nuk më intereson – por Zoti qëndroi me mua dhe e bën akoma”, – tha ai, duke përfunduar ankesat e tij.

Më vonë gjatë “Late Late Show”, Kris u pyet gjithashtu nëse Kim grisi fustanin e Marilyn Munroe në Met Gala gjatë testit të detektorit të gënjeshtrës.

Kim u akuzua për ‘dëmtimin’ e fustanit ikonik të Marilyn Monroe ‘Happy Birthday Mr. President’ pasi imazhet pretenduan se shfaqnin grisje në fustan pasi ylli e veshi atë në tapetin e kuq të Met Gala të këtij viti.

Por Kris mohoi që Kim të kishte grisur fustanin, pasi ajo u përgjigj ‘jo’ kur u pyet për dëmtimin – një përgjigje e cila u konfirmua se ishte e vërtetë.

Në një raund tjetër pyetjesh, Kylie gjithashtu me shaka e pyeti nënën e saj nëse ishte fëmija i saj i preferuar, duke nxitur të qeshura nga publiku.

Lexo po ashtu Kim: Nuk më intereson çfarë mendojnë ose thonë njerëzit për mua

Por Kris nuk hezitoi ndërsa ajo u përgjigj: ‘Po’. Pasi u konfirmua se ishte e vërtetë, Kris tha: ‘Nuk mund të shkoj në shtëpi tani!’.

Ajo gjithashtu bëri shaka se Kendall Jenner ende nuk kishte mësuar se si të priste një kastravec, pasi fansat u hutuan me prerjen e perimeve në një video tashmë famëkeqe që u bë virale në rrjete sociale. /Telegrafi/