Krijesa e çuditshme me fytyrë të njeriut filmohet në Malajzi, policia mohon ekzistencën e saj (Foto/Video, +18)

Policia e Malajzisë ka përgënjeshtruar thashethemet që janë duke qarkulluar në internet, kinse është gjetur një mace e vogël me fytyrë të njeriut, raporton Mirror.

Pamjet dhe imazhet e kësaj krijese kanë qarkulluar në internet, por zyrtarët e këtij vendi pretendojnë se krijesa nuk është asgjë tjetër veç mashtrim, transmeton Telegrafi.

Krijesa me kokë të vogël me një lëkurë të zbehtë dhe flokë të zeza, duket se kishte fytyrë si të njeriut.

Fotografitë besohet se janë shkrepur në zonën Pahang në pjesën perëndimore të Malajzisë.

Ndërkaq zëdhënësi i policisë Datuk Rosli Abdul Rahman, ka deklaruar se thashethemet që kanë qarkulluar për ekzistencën e një krijese janë të pavërteta.

Edhe pse autori i fotografive pretendon se krijesën e ka filmuar në Pahang, policia mohon një gjë të tillë duke thënë se imazhet janë shkarkuar nga interneti dhe bëhet fjalë për një shaka.

Madje një person i cili kishte parë këtë krijesë thotë se ajo është dërguar në një laborator në një vend të panjohur. /Telegrafi/