“Kredi Hipotekare COMFORT” – Produkti i ri dhe ekskluziv që sjell risi në tregun financiar të Kosovës përmes partneritetit ndërmjet NLB Banka sh.a, Marigona Sun dhe Marigona Hill

“Kredi Hipotekare COMFORT” – Produkti i ri dhe ekskluziv që sjell risi në tregun  financiar të Kosovës përmes partneritetit ndërmjet NLB Banka sh.a, Marigona Sun dhe Marigona Hill

NLB Banka sh.a., Marigona Sun dhe Marigona Hill kanë nënshkruar një marrëveshje bashkëpunimi për të sjellë në tregun e Kosovës një zgjidhje financiare tërësisht të re– “Kredi Hipotekare COMFORT”, një produkt unik dhe ekskluziv i këtij lloji që lansohet për herë të parë në vendin tonë.

Ky bashkëpunim strategjik synon të ofrojë një mënyrë të lehtësuar dhe të avancuar financimi për blerjen e shtëpive në dy prej lagjeve më të kërkuara dhe prestigjioze në afërsi të Prishtinës – Marigona Sun dhe Marigona Hill. 

“Kredi Hipotekare COMFORT” është konceptuar me kujdes për të përmbushur kërkesat tanë premium që kërkojnë cilësi të lartë jetese, stabilitet financiar dhe komoditet maksimal.

Risitë dhe benefitet e këtij produkti vijnë përmes:

• Periudhës së Lehtësimit (Grace Period) prej 36 muajsh, gjatë së cilës kredimarrësi paguan vetëm interesin fiks preferencial.
• Fleksibilitetit, me mundësinë e pagesave të herëpashershme që ndihmojnë në zvogëlimin e borxhit kryesor të mbetur.

‘Comfort’ është një produkt i kategorisë premium që për herë të parë ofrohet në tregun e Kosovës, duke reflektuar risinë dhe përkushtimin e përbashkët të NLB Banka sh.a. dhe kompanive ndërtuese Marigona Sun dhe Marigona Hill për të sjellë në treg produkte që përputhen me standardet më të larta ndërkombëtare të banimit dhe financimit.

Partneriteti i arritur përfaqëson një iniciativë kreative dhe shumë praktike, e cila është në funksion të lehtësimit të mundësive për financimin e klientëve tanë. Marrëveshja si e tillë, nga njëra anë, promovon kërkesat gjithnjë në rritje për cilësinë e ndërtimit dhe standardin e lartë që ofrojnë Marigona Hill dhe Marigona Sun, me përkushtimin e madh dhe të vazhdueshëm që ka NLB Banka sh.a. për të mbështetur klientët e saj në realizimin e ëndrrave dhe synimeve të tyre për një investim të qëndrueshëm, afatgjatë dhe sa më fitimprurës.