Kovaçevski: Të gjithë ata që ndajnë vizionin e një Maqedonie evropiane duhet të na bashkohen në zgjedhje

Kreu i LSDM-së, Dimitar Kovaçevski, ka shprehur qëndrimin e tij lidhur me deklaratat e Arben Taravarit, kreu i Aleancës për Shqiptarët (ASH), në lidhje me një mundësi të bashkëpunimit me opozitën shqiptare në Maqedoni. Kovaçevski nuk dëshiron të komentojë në detaje këto ngjarje, duke e lënë përfaqësuesin e ASH-së të shpjegojë pozicionin e tyre.

Ndërkaq, Kovaçevski theksoi se oferta e partisë së tij, LSDM-së, për të bashkëngjitur të gjitha partitë dhe individët që janë “pro” integrimit europian të vendit, mbetet e vlefshme. Ai u përqendrua në rëndësinë e ndërtimit të një shoqërie të hapur dhe demokratike, ku çdo parti politike dhe individ mund të marrë vendime lirisht.

“Vlerësoj se vendi i partive politike është së pari në koalicionet që ndajnë të njëjtat vlera. Pa hyrë në atë se kush në cilin koalicion është si subjekt politik. Oferta e LSDM-së vazhdon të jetë e vlefshme për të gjitha ato parti politike, organizata joqeveritare dhe organizata të tjera dhe individë të tjerë që e ndajnë vizionin për Maqedoni evropiane të na bashkohet në zgjedhjet e 24 prillit dhe 8 majit”, tha Kovaçevski.