Presidenti amerikan, Donald Trump, është kapur nga kamerat duke përshëndetur një gjeneral të Koresë së Veriut gjatë samitit të tij me Kim Jong-un në Singapor këtë javë.

Sipas mediave të huaja, përcjell Telegrafi, presidenti ishte duke u prezantuar me anëtarët e lartë të delegacionit të Koresë së Veriut, kur ai shkoi për të shtrënguar duart me gjeneralin, në vend të së cilës gjë, ky i dyti e ngriti dorën – në një përshëndetje ushtarake.

Dhjetë shtrëngimet e duarve që bënë historinë – një ishte “jashtëtokësor” dhe dy të tjera u pasuan me vrasje (Foto) Dhjetë shtrëngimet e duarve që bënë historinë – një ishte “jashtëtokësor” dhe dy të tjera u pasuan me vrasje (Foto)

Trump pastaj ngre dorën e tij, pas së cilës gjë edhe përshëndeten.

Megjithatë, pyetja që shtrojnë mediat e huaja, përcjell Telegrafi, është nëse presidenti amerikan ka shkelur protokollin.

Edhe pse ai i vendosuri në tavolinë “inspektohet” nga agjenti i tij, Kim Jong-un zgjedh stilolapsin e tij për të nënshkruar marrëveshjen (Video) Edhe pse ai i vendosuri në tavolinë “inspektohet” nga agjenti i tij, Kim Jong-un zgjedh stilolapsin e tij për të nënshkruar marrëveshjen (Video)

Dhe së paku sipas asaj që shkruan DailyMail, përshëndetja e një gjenerali nga një vend armiqësor është një shkelje e protokollit për një President të SHBA-ve.

Pasi sheh veturën presidenciale të Trumpit, Kim Jong-un largohet me Mercedesin e tij – i cili gjithashtu ka gjëra shumë të veçanta (Foto/Video) Pasi sheh veturën presidenciale të Trumpit, Kim Jong-un largohet me Mercedesin e tij – i cili gjithashtu ka gjëra shumë të veçanta (Foto/Video)

Gjenerali në fjalë duket të jetë Ri Yong-gil, i cili më parë u raportua se ishte ekzekutuar nga Kim, por javën e kaluar u promovua te shefi i shtabit të përgjithshëm.

Të tjerët që takuan Trumpin ishin Ri Yong-ho, ministri i jashtëm i Kim, si dhe Ri Su-yong, nënkryetar dhe drejtor i Departamentit të Çështjeve Ndërkombëtare të Koresë së Veriut.

Pamjet u kapën nga kamerat e televizionit qendror në pronësi shtetërore dhe u transmetuan për audiencë brenda Koresë së Veriut të enjten.

Këto pamje video thuhet se janë të parat që koreano-veriorët kanë parë rreth samitit mes Trump dhe Kim, megjithëse imazhe janë botuar më parë nga gazeta Rodong Sinmun.

Ish-profesori i tij thotë se Kim Jong-un e njeh gjuhën angleze – ekspertët pretendojnë se ai nuk flet qëllimisht dhe ka një arsye për këtë! (Foto/Video) Ish-profesori i tij thotë se Kim Jong-un e njeh gjuhën angleze – ekspertët pretendojnë se ai nuk flet qëllimisht dhe ka një arsye për këtë! (Foto/Video)

Pamjet të cilat u transmetuan nga prezantuesi i lajmeve i preferuar i Kim, Ri Chun-hee, përfshinë edhe pamjet e diktatorit që pushonte brenda hotelit të tij dhe duke bërë një turne në Singapor.

Për shumicën e koreanëve të zakonshëm të Veriut, kjo video ka të ngjarë të jetë hera e parë që ata kanë parë një qytet të huaj. /Telegrafi/