Kontejnerët e transportit shfrytëzohen për të ndërtuar hotel (Foto)

Në Mançester të Anglisë është duke u ndërtuar një hotel, duke i përdorur vetëm kontejnerët që janë shfrytëzuar për transport.

‘Holiday Inn Express’ që do t’i ketë 220 dhoma, do të ndërtohet vetëm nga kutitë metalike që përdoren për transport, ndërsa nuk do të shfrytëzohet asnjë tullë apo beton, transmeton Telegrafi.

Pasi të jetë kompletuar, sipërfaqja e jashtme do të mbulohet nga panele të metalit të lehtë, që do të kenë efekt estetik. Pjesët e brendshme do të izolohen me materie speciale, që do t’i përshtatet klimave të ndryshme.

“Është fantastike, se si po merr formë kaq shpejtë. Fal kësaj qasje të lehtë, procesi i ndërtimit është përgjysmuar dhe objekti po punohet me shumë lehtësi”, ka thënë dizajneri që është në krye të projektit.

Hoteli që përmban 20 ton kuti metali, pritet të formësohet për katër javë, ndërsa dyert për mysafirë do të hapen në fillim të korrikut të vitit të ardhshëm. /Telegrafi/