LAJMI I FUNDIT:

Konstatimet e BE-së për të gjithë Ballkanin Perëndimor bllokohen për shkak të kërkesave të Bullgarisë

Konstatimet e BE-së për të gjithë Ballkanin Perëndimor bllokohen për shkak të kërkesave të Bullgarisë

Përveç bllokadës për negociatat midis BE-së dhe Maqedonisë së Veriut, Bullgaria po kërkon një tjetër paragraf në lidhje me historinë që vendet anëtare të BE-së nuk mund ta pranojnë. Për shkak të kësaj, miratimi i konkluzioneve për të gjitha vendet e Ballkanit Perëndimor qëndron pezull.

Sipas diplomatëve me të cilët bisedoi AIM në Bruksel, disa orë më parë është miratuar një vendim që të tërhiqet diskutimi për zgjerim dhe për kornizën negociuese për Shqipërinë, sepse Bullgaria kërkon që në konkluzionet përfundimtare për Maqedoninë e Veriut të vendoset paragraf nga korriku 2018 i cili thotë se “kjo duhet t’i japë fund të gjitha kërkesave të bazuara në keqinterpretimin e historisë”.


Kjo fjali qëndron në konkluzionet e Këshillit të BE-së nga korriku 2018 pas nënshkrimit të Marrëveshjes me Bullgarinë dhe Marrëveshjes së Prespës, por për shumë shtete anëtare nuk ka kuptim që kjo fjali t’i imponohet Maqedonisë së Veriut dy vjet më vonë, shpjegojnë diplomatët.

Lëshimi për të cilin BE është përgatitur është një fjali e ngjashme e lidhur me “keqinterpretimin e historisë” për të qëndruar si observim i përgjithshëm për të gjitha vendet e Ballkanit Perëndimor, në lidhje me pajtimin rajonal, por jo edhe specifikisht në paragrafin për Maqedoninë e Veriut.

Nga ana tjetër, Bullgaria beson se duke e pasur parasysh që kjo fjali është përdorur tashmë në konstatimet, ka bazë për t’u përsëritur.

Dje dhe sot ka pasur përpjekje midis vendeve anëtare për ta harmonizuar tekstin, por Sofja nuk ka lëshuar pe, për shkak të së cilës u mor vendim për ta pezulluar plotësisht diskutimin për zgjerimin sot, mësoi AIM nga burime diplomatike.

Takimi i ambasadorëve është duke vijuar dhe duhet të zgjasë deri vonë sonte, por zgjerimi i negociatave nuk pritet të kthehet në tryezë.

Në ditët në vijim, vendet anëtare do të vazhdojnë të negociojnë për këtë temë në mënyrë që ta zhbllokojnë situatën dhe të mos mbahen konkluzionet për vendet e tjera të rajonit.

Në të njëjtën kohë, sot u tërhoq nga rendi i ditës edhe diskutimi mbi kornizën negociuese me Shqipërinë, e cila ka shanse më të mira se Maqedonia e Veriut për t’u miratuar në fund të vitit, por pa një datë për caktimin e konferencës së parë ndërqeveritare. Gjegjësisht, edhe me një kornizë të miratuar negociatash, Tirana, për shkak të kushteve shtesë të reformës, do të duhet të presë së pari raport nga Komisioni Evropian dhe dritën e tij jeshile përpara se t’i jepet datë për negociata.

Shtetet anëtare kanë kohë për këshillin ministror deri më 8 dhjetor për t’u harmonizuar, përndryshe nuk përjashtohet opsioni të mos ketë aspak përfundime për zgjerimin.

“Të gjitha opsionet janë në tryezë për momentin, tërheqje e përfundimeve mbi zgjerimin, për kornizën për Shqipërinë, tërheqjen e njërës prej të dyjave ose mbajtjen e të dyjave, negociatat vazhdojnë edhe në nivel joformal”, thonë për AIM-n nga Brukseli.

Në trend Lajme

Më shumë
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre

Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre

Arsim
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit

Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit

Arsim
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani

Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani

Lajme
Gjatë një operacioni policor në Prishtinë e Gjilan, gjenden dy bunkerë dhe armë zjarri

Gjatë një operacioni policor në Prishtinë e Gjilan, gjenden dy bunkerë dhe armë zjarri

Kronika e Zezë
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan

“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan

Drejtësi
Ekspertja e Këshillit të Evropës kritikon Komisionin parlamentar lidhur me Projektligjin për KPM-në

Ekspertja e Këshillit të Evropës kritikon Komisionin parlamentar lidhur me Projektligjin për KPM-në

Lajme
Kalo në kategori