Presidenti amerikan, Joe Biden, i ka thënë kryeministrit izraelit, Benjamin Netanyahu, se ai pret një “de-përshkallëzim të rëndësishëm”, në konfliktin e Gazës.

Reklama

Sipas BBC, përcjell Telegrafi, Shtëpia e Bardhë deklaroi se Biden u shpreh se dëshironte “një rrugë për armëpushim”.

Më parë Netanyahu tha se ushtria izraelite ishte “duke u kujdesur për objektivat”, duke shtuar se “ata nuk po qëndronin me një kronometër”.

Konflikti ka hyrë në ditën e 10-të, me një shkëmbim të vazhdueshëm të zjarrit me raketa nga militantët palestinezë në Izrael dhe me sulmet ajrore izraelite në Gaza.

Të paktën 219 njerëz, përfshirë gati 100 gra dhe fëmijë janë vrarë deri më tani në Gaza, sipas ministrisë së saj të shëndetësisë.

Reklama

Izraeli ka thënë se të paktën 150 militantë janë midis atyre që u vranë në Gaza. Hamasi nuk jep shifra të viktimave për luftëtarët.

Reklama

Në Izrael 12 njerëz, përfshirë dy fëmijë janë vrarë, thotë shërbimi i tij mjekësor. Vendi pohon se rreth 3,750 raketa janë lëshuar drejt territorit të tij nga militantët në Gaza. /Telegrafi/