Konfirmohet, 12 marinsa amerikanë të vdekur dhe 15 të plagosur në Kabul

Gjenerali Frank McKenzie Jr dhe sekretari i shtypit i Pentagonit John Kirby kanë mbajtur konferencë për shtyp pas dy shpërthimeve vdekjeprurëse pranë një Aeroportit Ndërkombëtar Hamid Karzai në Kabul.

“Të paktën 12 anëtarë të ushtrisë amerikane u vranë dhe të paktën 15 të tjerë u plagosën në sulmin në aeroportin e Kabulit”, tha në një konferencë gjenerali Kenneth “Frank” McKenzie, kreu i Komandës Qendrore të SHBA.

“Është një ditë e vështirë sot”, tha mMcKenzie. Theksojmë se në mesin e viktimave janë 11 marinsa dhe një mjek i Marinës, thanë zyrtarët amerikanë.

McKenzie gjithashtu konfirmoi se kanë mbetur edhe rreth 1.000 amerikanë në Afganistan pas sulmit në aeroportin e Kabulit.

Ndërkohë, sulmi terrorist në Kabul sot la më shumë se 60 afganë të vdekur dhe të paktën 140 persona të plagosur, tha një zyrtar i Ministrisë së Shëndetit Publik të Afganistanit për cnn.

Ndryshe, vdekjet shënojnë viktimat e para të ushtrisë amerikane në Afganistan që nga shkurti i vitit 2020. /Telegrafi/

BREAKING: Pentagon updates on explosions near Kabul airport:

– 12 U.S. service members killed
– 15 U.S. service members injured
– "A number" of Afghan civilians killed, injured
– Suicide bombers "assessed to be ISIS fighters"

More: https://t.co/YpIc4nkYvT pic.twitter.com/IfibifUfS6

— ABC News (@ABC) August 26, 2021