Me moton “E Ardhmja për të Ardhmen”, kompania “Al Trade Center”, shënoi Ditën Ndërkombëtare të fëmijëve “1 Qeshori”, me mbjelljen e disa fidanëve në tri komuna të Kosovës.
Pronari i “Al Trade Center”, Sokol Gashani në një prononcim për Telegrafin ka thënë se kanë përzgjedhur pikërisht këtë ditë pasi fëmijët janë dhurata më e çmuar në jetë.
Ai tha se mbjellja e këtyre fidanëve në komunat Drenas, Fushë Kosovë dhe Prishtinë u është bërë si simbolikë e kësaj kompanie që ushtron veprimtarinë e saj biznesore në këto vende .
“Sot është dita e fëmijëve më e madhja dhe më e vlefshmja. Në këtë ditë kemi përzgjedhë që të ndajmë një donacion për hir të tyre që të bëjmë një shenjë të mirë në tri komuna ku edhe ne kryesisht e zhvillojmë veprimtarin tonë, si në komunën e Drenasit, Fushë Kosovë dhe në Prishtinë. Prej themelimit të kompanisë jemi mundu që buxhetin e parë që e kemi pasur ta ndajmë për fëmijët, për edukimin e studentit pasi është investimi më i mirë që mund të bëjë një njeri apo një kompani”, ka thënë Gashani.
Në Prishtinë mbjellja e fidanëve bashkë me sistemin e ujitjes u bë në parkun “Dardania”, nën praninë e kryetarit të komunës, Shpend Ahmeti si dhe nënkryetarit Selim Pacolli.
Ahmeti falënderoi kompaninë “Al Trade Center”, për kontributin e dhënë në këtë ditë duke shpresuar që edhe kompanitë tjera të ndjekin shembullin e njëjtë.
“ Këtu jemi në mbjelljen e drunjve bashkë me kompaninë ‘Al Trade Cente’, të cilin e falënderojmë shumë. Shpresoj që shembullin e tyre ta ndjekin edhe kompanitë tjera. E veçanta e kësaj është që përveç po mbillen drunjtë kompania “Al Trade Center”, po bën edhe sistemin e ujitjes i cili nuk do të kërkoj që çdo ditë jemi këtu. Jemi këtu më fëmijët e shkollës Dardania, po i mbjellim bashkë këta drunj me qëllim që edhe ata ta kuptojnë rëndësinë e gjelbërimit për një ambient të mirë”, theksoi kryetari i Prishtinës, Shpend Ahmeti.
Nënkryetari i komunës së Prishtinës, Selim Pacolli tha se ende nuk kanë përfunduar aktivitetet e fëmijëve në kryeqytet.
“E kemi qendrën të stërmbushur me fëmijë. Si komunë e Prishtinës normal që çdo vit mundohemi që në çdo aktivitet sado pak të qëndrojmë më afër fëmijëve të cilët janë e ardhmja jonë”, u shpreh Pacolli.
Ndryshe, në komunën e Drenasit fidanët u mbollën në shkollën fillore “ Rasim Kiqina”, ndërsa në Fushë Kosovë, mbjellja e fidanëve u bë në gjimnazin “Hivzi Sylejmani”, dhe në këtë ceremoni morën pjesë fëmijët e institucionit parashkollor “Linda”./Telegrafi/
Lufta Prigozhin - Putin
Më shumëNga Rubrika
Ambasada e SHBA-së në Kosovë: Qëndrojmë me familjet e të zhdukurve nga lufta
Asnjëherë nuk do të harrojmë, PDK: Janë edhe 1617 qytetarë të Kosovës të zhdukur në luftë nga regjimi i Serbisë
Mbi 1600 persona të zhdukur nga lufta, Rohde thotë se në tri vitet e fundit nuk është bërë asnjë progres si shkak i bllokadës politike
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Sa realist është anëtarësimi i Kosovës në KiE?
Themelorja konfirmon aktakuzën ndaj Agron Mustafës, ngarkohet se i shkaktoi dëm afër 7 milionë euro Telekomit
Dita kombëtare e të zhdukurve, Osmani: Pas anëtarësimit në KiE, familjarët e të pagjeturve do të mund të padisin Serbinë
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti optimist, shpjegon se si do ta menaxhojë sfidën për anëtarësimin e Kosovës në Këshill të Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë