Qeveria e Kosovës ka marrë vendim që Telekomin e Kosovës ta privatizojë përkundër krizës që e ka kapluar këtë ndërmarrje.
Ekspertët e fushës së ekonomisë kanë thënë se koha në të cilën mendohet privatizimi i Telekomit nuk është e përshtatshme.
Profesori universitar i ekonomisë, Muhamet Mustafa, tha për Telegrafin se pozita aktuale financiare më të cilën gjendet Telekomi nuk është e përshtatshme për privatizim.
“Momenti aktual, gjendja në të cilën ndodhet, kjo korporatë tani nuk është i përshtatshëm për privatizim. Në situate të tilla do të duhej që mundësisht të bëhet një plan urgjent i ristrukturimit dhe konsolidimit financiar dhe tek pas dy-tri vitesh të bëhet privatizimi. Po qarkullon një informatë se BERZH është e interesuar të investojë për këtë qëllim rreth 20 milionë euro dhe nëse arrihet që krahas kësaj të krijohet një Bord jo politik dhe një menaxhment kompetent, kjo do të ishte rruga e duhur”, tha Mustafa.
Sa i përket privatizimit të Telekomit, ai thekson se pjesa e shitur të mos jetë më e madhe se 65 për qind e aksioneve.
“Telekomi i Kosovës është në një situatë krize financiare dhe menaxheriale, po punon me humbje. Problemet e keqmenaxhimit dhe goditjes në vazhdim të interesave publike në këtë korporatë nuk janë të reja dhe faji është jo vetëm tek strukturat qeverisëse, por ndoshta më shumë nga infiltrimet permanente të grupeve të interesit financiar dhe politik”, tha profesori Mustafa.
Telekomi sipas tij, ka humbur hapin e zhvillimit teknologjik.
“Qeveritë e Kosovës, në vazhdimësi kanë lejuar një status-quo me tendencë përkeqësimi thuajse të vazhdueshme. Goditja e parë serioze ishte diku në vitin 2008 apo 2009 kur me vendim qeveritar i ndaluan investimet aty dhe kjo ndikoi që të humbet hapi në zhvillimin teknologjik dhe të degradohet aftësia konkurruese – ky vendim u shërbeu konkurrentëve të Telekomit që po hynin në treg. Mbipunësimi është vetëm njëri nga problemet por ka edhe shumë të tjera”, tha për Telegrafin, profesori Muhamet Mustafa.
Kurse, kryetari i Odës Ekonomike të Kosovës, Berat Rukiqi, tha për Telegrafin se pa një ristrukturim të gjendjes në Telekom, procesi i privatizimit të tij, nuk do të jetë i dobishëm.
“Nëse mendohet që të shkohet drejt në privatizim, atëherë ky proces bartë rreziqe në vetë për shkak se kompania tashmë është në pikën më të ulët të performancës dhe kjo pastaj ndikon në vlerën, transaksionin dhe negocimin në përgjithësi për sa i përket këtij aseti. Por nëse është e saktë se është e prezantuar – edhe pse nuk i dimë specifikat që BERZH do të involovohet dhe do ta bëjë një ristrukturim, një përmirësim të gjendjes – atëherë procesi mund të jetë i dobishëm për shkak se sadopak do të ruhet vlera e kompanisë, pra do të ketë benefite nga ky proces”, tha Rukiqi.
Sipas tij, Telekomi nuk mund ta arrij vlerën e privatizimit të dikurshëm.
“Ajo vlerë nuk arrihet. Kur e sheh tani gjendjen në të cilën është për sa i përket fitimeve dhe e krahasojmë me atë kur ka qenë, është shumë më e ulët dhe normalisht përkthehet në vlerë shumë më të ulët. Por, trendet në këtë industri më nuk mundësojnë që këto kompani të shiten në vlera shumë të mëdha për shkak se ka ndërruar ky treg. Ne jemi vonuar në këtë situatë, fatkeqësisht, duhet shikuar për zgjidhjen më pak të dëmshme. Nuk pres emra të mëdhenj të industrisë së Telekomit, por nuk do të thotë kjo se nuk do të vijnë kompani serioze”, tha për Telegrafin, Rukiqi.
Ndërsa, ish-ministri i Zhvillimit Ekonomik, Fadil Ismajli, tha për Telegrafin se Telekomi duhet të përgatitet për privatizim.
“Nuk e di se sa është përgatitur kompania të hyjë në këtë proces të privatizimit. Në kohën kur jam marrë me këtë çështje, kam thënë se kompania para privatizimit duhet të përgatitet, do më thënë të bëhet një menaxhment i cili vërtet do të ndikojë që në atë mënyrë që investitorët serioz t’i atraktojë në sektorin që ne presim të hyjë në procesin e privatizimit”, tha Ismajli.
Ai tha se vlera e privatizimit nuk do të jetë e njëjtë sikurse herën e fundit me “ACP Axos Capital GMBH”.
“Nuk ma merr mendja. Në ndërkohë degradimi i Telekomit ka vazhduar, konkurrenca është rritur dhe është forcuar”, tha ai.
Ndryshe, Qeveria e Kosovës ka vendosur të martën që Telekomi i Kosovës të rifutet në proces të privatizimit, pasi në vitin 2013 i ishte nënshtruar procesit të privatizimit dhe kishte dështuar.
Por pavarësisht gjendjes së vështirë financiare, Telekomi në periudhën 2010-2015 kishte ndarë dividendë për Qeverinë e Kosovës në shumë prej 250 milionë eurove. /Telegrafi/
Lufta Prigozhin - Putin
Më shumëNga Rubrika
30 vjet në shërbim të edukimit dhe të kulturës: Shtëpia botuese “Dukagjini” ju uron Ditën Botërore të Librit
Si i përdorin aplikacionet për konsum gjeneratat e reja në Kosovë?
Nesër mbahet shitja e 65-të aseteve e Agjencisë Kosovare të Privatizimit
Agjencia e Ushqimit del me sqarime lidhur me cilësinë e mishit në Kosovë
Fillo udhëtimin e ri në botën e librave - Shkarko aplikacionin DukagjiniBooks
Si i përdorin aplikacionet për konsum gjeneratat e reja në Kosovë?
Fitoni dhurata ekskluzive nga Samsung në foleja.com
Veç thuj ej, EI Taxi është knej
Arianit Koci paralajmëron vizita në Japoni e Afganistan, teston fillimisht internetin e 99esim.com në Greqi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj