LAJMI I FUNDIT:

Klubi i leximit “Dukagjini Book Club” ju mirëpret me datën 23 korrik

Klubi i leximit “Dukagjini Book Club” ju mirëpret me datën 23 korrik

Sikurse edhe javëve të tjera edhe këtë javë do të mbahet klubi i leximit në Librarinë Dukagjini në bashkëpunim me autorin Azem Deliu. Në ndryshim me javët e tjera, takimi do të mbahet me datën 23 korrik, ditën e enjte, në ora 17:00.

Këtë javë do të diskutohet libri “Dita e Mbetur” nga nobelisti Kazuo Ishiguro, ky vendim i cili është marrë në bashkëpunim me anëtarët e klubit të leximit në grupin, i cili është në rrjetin social Facebook.  Për më tepër, lexuesit të cilët anëtarësohen në këtë link kanë mundësinë të blejnë librin “Dita e Mbetur” me 25% zbritje.

Ndërsa, për t’a konfirmuar pjesëmarrjen tuaj në këtë takim ju mund të regjistroheni në këtë link.

Ngjarjet e këtij romani rrëfehen nga mazhordomi Stivens, i cili për më shumë se tridhjetë vjet ka jetuar në Darlington Holl, rezidenca madhështore e lordit Darlington. Stivensi rrëfen një pjesë të jetës së tij, diku nga mesi i viteve ’30, një periudhë e ngarkuar për të personalisht, por edhe për historinë e Anglisë dhe të Evropës.

Punëdhënësi i tij është një personazh publik, tejet i angazhuar edhe politikisht. Stivensi, nga ana tjetër, nuk ka njohuri të thella mbi çështje të ndërlikuara politike. Ai është njeri i përmbajtur, i cili krenohet me sjelljen e tij prej xhentëlmeni të mirëfilltë dhe të vetmen përparësi ka t’i shërbejë sa më me dinjitet punëdhënësit të tij.

Ju mirëpresim me datën 23 korrik në Librarinë Dukagjini!

Artikull i sponzorizuar