Klubet e Ligës Premier nuk besojnë ende se si iu iku para syve – ku luante sezonin e shkuar Arnaut Danjuma që kualifikoi tutje Villarrealin në LK

Paraqitja e jashtëzakonshme e Arnaut Danjuma në ndeshje me Atalantan të enjten ka ngritur shumë pikëpyetje për klubet e Ligës Premier, që nuk e dalluan talentin e tij sezonin e kaluar.

Në sezonin 2020/21, sulmuesi holandez u paraqit në Championship për Bournemouthin, përpara se të bashkohej me Villarrealin në La Liga verën e kaluar.

Danjuma shënoi dy gola në stadiumin “Gewiss” të enjten për t’i dhënë kualifikimin në fazën e eliminimi direkt në Ligën e Kampionëve, skuadrës që janë kampion në fuqi në Ligën e Evropës.

24-vjeçari hapi rezultatin për Villarrealin vetëm tre minuta pasi nisi ndeshja, ndërsa golin e dytë e shënoi në minutën e 51-të, që ishte i treti për ekipin e tij.

Pavarësisht se ka humbur disa ndeshje për shkak të lëndimeve, Danjuma ka regjistruar 5 gola në La Liga dhe 4 gola në Ligën e Kampionëve.

Here are the three goals ⚽⚽⚽ in Bergamo that sent us into the @ChampionsLeague Round of 16 😏🤩.

Enjoy 😍!#UCL pic.twitter.com/E37vHe1c76

— Villarreal CF English (@VillarrealCFen) December 10, 2021

Këmbëngulja e Emery për ta ofruar te Villarreal

Ishte trajneri i Villarrealit që kishte vendosur Danjuman në radarin e tij dhe ai ishte i bindur se afrimi i tij do të forconte ndjeshëm sulmin e ekipit.

Thuhet se transferimi i tij ‘Nëndetëses së verdhë’ i kushtoi 25 milionë euro.

ENDAVANT VILLARREAL! 🪄🐍 pic.twitter.com/wSQDmuDcFs

— Arnaut Danjuma (@Danjuma) December 9, 2021

Danjuma është një sulmues anësor i kompletuar dhe gjithashtu një lojtar që po bën progres të vazhdueshëm.

Nëse ai vazhdon pa lëndime, Danjuma mund të bëjë histori te Villarreali. /Telegrafi/

https://www.youtube.com/watch?v=YkbVmOLOESo&ab_channel=MShow