Përpos numrit të madh të popullsisë, Kina është duke u ballafaquar edhe me hapësirat e pamjaftueshme për parkimin e veturave.
Megjithatë duket se edhe këtë problem janë duke e zgjedhur kompani të ndryshme, që po shprehin kreativitetin me projektet e tyre që po ua lehtëson punën edhe autoriteteve lokale që merren me problemet e përditshme të qytetarëve, transmeton Telegrafi.
Ata tashmë kanë ndërtuar një ndërtesë shumë të lartë e mbuluar në të katër anët me xhama, dhe që është vetëm 58 metra katrorë e gjerë dhe mund të parkojë mbi 50 vetura.
“Me pak kreativitet kemi arritur të krijojmë hapësirë të mjaftueshme për veturat, duke mos e bllokuar hapësirën për këmbësorë apo projekte tjera”, ka deklaruar menaxheri i projektit Bo Xiaoming.
“Një hapësirë e vogël që zakonisht mund t’i zë vetëm tri vetura, me projektin e ri mund të parkohen 50”, ka shtuar Xiaoming.
Ndërtesa e xhamit është 54 metra e lartë apo 26 katëshe, dhe ka një ashensor të veçantë me të cilin transporton veturat deri në katin më të lartë. I gjithë procesi nga përdhes deri në katin më të lartë kërkon 70 sekonda.
Ky parking publik është i hapur për të gjithë qytetarët, dhe për një orë parkim kushton 5 yuan (apo 0.60 funte) ose 50 yuan (apo 5.9 funte) për një ditë. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251