Kim Kardashian thotë se e dha provimin e jurisprudencës me herë të katërt, pasi dështoi tri herë

Ajo është një studente e përkushtuar e juridikut.

Dhe duket se Kim Kardashian është rikthyer në rrugëtimin e saj për të përmbushur ëndrrën e saj për t’u bërë avokate e saj, shkruan DailyMail.

Miliarderja 41-vjeçare të mërkurën ndau me ndjekësit e saj një fotografi të shënimeve të saj nga librat shkollorë për drejtësi.

Një gjë qesharake për t’u vënë në dukje është se në bllokun ligjor të saj, ajo kishte të shkruara fjalët “Kim është avokatja ime”.

Ajo e komentoi fotografinë për 285 milionë ndjekësit e saj duke shkruar në mbishkrimin e saj: “Dhe kështu fillon përsëri shkolla ligjore”.

Në dhjetor, ylli botëror kishte ndarë me ndjekësit e saj në Instagram një sërë fotografish, duke bërë me dije se kishte kaluar provimin e jurisprudencës.

Lexo po ashtu Nga Novak Djokovic, Boris Johnson e deri te Rita Ora - të famshmit që në mënyrë famëkeqe kanë thyer rregullat e COVID-19

Kim shpjegoi se mbeti e motivuar nga kjo pasi mbante në mendje babain e saj, të ndjerin Robert Kardashian, ndërsa tha se po të ishte gjallë sot do të kishte qenë mbështetësi i saj më i madh.

Ajo e ndau lajmin e gëzueshëm duke shkruar në mbishkrimin e fotografisë së saj: O Zot i madh, kalova provimin e jurisprudencës”.

“Duke parë në pasqyrë, jam vërtet krenare për gruan që shoh sot në reflektim”, tha Kim.

Miliarderja po i referohej fotografive që kishte bërë para pasqyrës së banjës së saj.

Ajo vazhdoi: “Për këdo që nuk e njeh rrugëtimin tim në shkollën juridike, dije se kjo nuk ishte e lehtë për mua”.

“Kam dështuar në këtë provim tri herë në dy vjet, por çdo herë ngrihesha dhe studioja më shumë dhe u përpoqa përsëri e kalova atë! (Unë pata COVID dhe ethe në provimin e tretë, por nuk po justifikohem”, kishte njoftuar ylli.

Provimi i Studentëve të Juridikut të Vitit të Parë është një test njëditor që jepet nga distanca në qershor dhe tetor.

Kalimi provimit të Avokatit Shtetëror të Kalifornisë është padyshim më i vështiri në vend pasi Kim shpjegoi se meqenëse nuk e përfundoi vitin e parë të studimit të drejtësisë në një program të doktoraturës juridike në një shkollë juridike të regjistruar të paakredituar nga Avokati Shtetëror, ajo duhej të jepte këtë provim të parë ‘me një normë kalimi më të vështirë’.

Duke qenë se kjo nuk është rruga tradicionale, Kim tha se kishte hasur shumë dyshues, por ishte më se e lumtur t’u dëshmonte se e kishin gabim teksa tha: “Më thanë nga juristë më të mirë se ky ishte një udhëtim afër i pamundur dhe më i vështirë se sa rruga tradicionale e shkollës juridike, por ishte alternativa ime e vetme dhe ndihem kaq shumë mirë që jam këtu dhe në rrugën time për të arritur qëllimet e mia”.

Ajo vazhdoi të falënderojë shumë njerëz që e ndihmuan në rrugëtimin e saj, duke përfshirë mikun e saj, ish-këshilltarin speciale të Presidentit Barack Obama, Van Jones, “i cili e nxiti të shkonte në shkollën juridike në radhë të parë”.

Jones e prezantoi atë me Jessica Jackson dhe Erin Haney, të cilët janë të dy drejtues të organizatave të reformës së drejtësisë penale Cut 50 dhe REFORM Alliance. /Telegrafi/