Kim Kardashian është akuzuar për një dështim në Photoshop pasi ndau fotografi të reja me bikini nga koleksioni i saj i fundit ‘SKIMS Swim’.
Në postimin e saj të së enjtes, ajo pozoi për një sesion fotografik buzë plazhit në Bahamas, duke veshur një seri rrobash banje seksi.
Ylli 44-vjeçar shkroi në mbishkrimin e saj për fansat: "Sapo ka dalë: Dyqani i ri I rrobabanjove", duke njoftuar rikthimin e koleksionit të ri të rrobave të banjës, shkruan DailyMail.
Megjithatë, disa ndjekës ngritën dyshime për një dështim në Photoshop në një nga fotografitë, duke komentuar për ndryshimet e dukshme në trupin e Kim-it, veçanërisht në barkun e saj.
Një përdorues shkroi, “Çfarë ndodhi me barkun në fotografinë e tretë? Ju lutem, pushoni këtë person që i ka bërë photoshop asaj” ndërsa një tjetër tha, “Dikush ose diçka nuk është në rregull këtu”.
Pavarësisht kritikave, Kim vazhdoi të shijonte suksesin e koleksionit të saj, duke e promovuar edhe më tej me një instalim me balonë të vendosur në Times Square për të shënuar lansimin e SKIMS Swim.
Po ashtu, Kim ka postuar fotografi të tjera ku shfaqet me bikini dhe aksesorë të ndryshëm. /Telegrafi/
