Misioni i Aleancës Veri Atlantike në Kosovë, KFOR, përmes një komunikate për media ka treguar se është duke shqyrtuar praninë e pretenduar të Njësisë Special të Policisë së Kosovës – ROSU, në veri të vendit.

KFOR ka thënë se prezenca e pjesëtarëve të Policisë së Kosovës që kanë qenë në detyrë për të mbrojtur presidentin Hashim Thaçi gjatë vizitës së tij në Zubin Potok, ka qenë e konfirmuar.

“KFOR bënë thirrje për qetësi dhe përmbajtje, pas raportimeve kontradiktore për zonën e liqenit të Ujmanit.  Prezenca e Policisë së Kosovës në mëngjesin e sotëm në zonën e liqenit të Ujmanit ka qenë  e konfirmuar. Ka pasur pjesëtarë të Policisë së Kosovës të cilët kanë qenë në detyrë për mbrojtjen e zotëri Thaçit, që ka vizituar zonën e Zubin Potokut. KFOR po shqyrton praninë e pretenduar të ROSU. Për më tepër, KFOR-i vazhdon të monitorojë situatën me patrulla dhe helikopterë”, thuhet në njoftimin për media të KFOR-it,  përcjell Telegrafi.