Këto sende nuk duhet t’i lani kurrë në lavatriçe

Edhe pse larja në lavatriçe është mënyra më e shpejtë dhe më praktike për të mirëmbajtur një gardërobë, jo çdo veshje është e përshtatshme për këtë procedurë.

Disa pëlhura dhe veshje kërkojnë më shumë vëmendje dhe mund të dëmtohen lehtë ose të humbasin plotësisht formën e tyre nëse lahen pa kujdes në lavatriçe.

Kjo është arsyeja pse është e rëndësishme të dini se cilat rroba lahen më mirë me dorë për të ruajtur qëndrueshmërinë dhe pamjen e tyre.

Sutjenat janë një nga ato veshje që duhen trajtuar me kujdes. Telat në reçipeta mund të dëmtojnë kazanin e makinës, dhe kapëset mund të ngjiten në rroba të tjera, duke shkaktuar dëmtime ose deformim të vetë reçipetave. Larja me dorë zgjat jetëgjatësinë e tyre dhe ruan formën e tyre.

Për shkak të materialeve delikate nga të cilat janë bërë, kravatat nuk duhet të lahen kurrë në lavatriçe. Ato mund të humbasin formën e tyre, të zbehen ose të prishin rrobat e tjera. Zgjidhja ideale është larja me dorë ose pastrimi kimik.

Veshjet me xixa, rruaza, gurë të çmuar ose me detaje të tjera dekorative janë shumë delikate. Larja e tyre në makinë larëse mund të shkaktojë lehtësisht dëmtimin e tyre. Për këto lloje rrobash, larja me dorë është një mundësi më e sigurt dhe më e butë.

Çorapet e foshnjave dhe veshjet e tjera më të vogla shpesh mund të përfundojnë në pjesë të lavatriçes aty ku nuk duhet – veçanërisht në kullues.

Nëse duhet t’i lani në lavatriçe, vendosini në një qese rrjetë mbrojtëse, por larja e tyre me dorë është një zgjedhje edhe më e mirë.

Mëndafshi është një pëlhurë luksoze, por edhe shumë delikate. Temperaturat e larta, ciklet e forta të centrifugimit dhe larja e ashpër mund ta dëmtojnë përgjithmonë materialin. Është mirë që mëndafshi të lahet me dorë duke përdorur detergjentë të butë të destinuar për këto lloje pëlhurash, ose të çohet në pastrim kimik. /Telegrafi/