Mosdurimi i artikujve ushqimorë me gluten vërtet ekziston, edhe pse shumica nuk besojnë. Shmangia e glutenit për shumicën nuk është tip i dietës, por nevojë shëndetësore

Mostoleranca ndaj kësaj proteine është shumë e vështirë të zbulohet, andaj do të jetë e nevojshme që të gjithë të jemi seriozë kur është fjala për këtë gjendje.

Gluteni mund të gjendet në shumë ushqime por gjithashtu mund të gjendet në produkte ushqimore që ne përdorim çdo ditë si dhe në ilaçet dhe vitaminat.

Dietë pa gluten do të thotë mos të konsumohen ushqime që e përmbajnë atë, si grurë, thekër dhe elb.

Disa njerëz nuk tregojnë përmirësim edhe pse heqin glutenin nga dieta e tyre. Kjo situatë quhet sëmundje celiake që nuk reagon. Arsyeja më e shpeshtë për mosreagim është sasia sado e vogël e glutenit në dietë kështu që këshillimi me një dietolog është shumë efektiv.

Shenjat e intolerancës ndaj glutenit janë të ndryshme nga një person në tjetrin, por përfshijnë:

Probleme me traktin gastrointestinal

Simptomat lidhen kryesisht me zorrët: nauze, të vjella, diarre, dhimbje barku madje edhe kapsllëk. Njerëzit shpesh i shoqërojnë këto simptoma me sëmundje të tjera. Studimet konfirmojnë se 10-15% e popullsisë botërore vuan nga IBS. Por kjo diagnozë mund të çojë tek njerëzit ndjeshmëri gluteni që nuk marrin trajtimin e duhur, kështu që simptomat nuk zhduken.

Ndryshime të pashpjegueshme të peshës

Intoleranca ndaj glutenit mund të çojë në humbje peshe dhe shtim në peshë pa e kuptuar as vetë. Kjo ndodh për shkak të proceseve inflamatore në nivel qelizor dhe çrregullimeve metabolike. Një ndryshim i papritur në peshë mund të shoqërojë sëmundjet e tjera të pakëndshme.

Mosbalancimi hormonal

Ekziston një lidhje e drejtpërdrejtë midis intolerancës së glutenit dhe çrregullimeve hormonale që mund të ndodhin si një cikël menstrual i parregullt, luhatje të papritur të peshës dhe çrregullime të gjumit. Dështimet hormonale të shkaktuara nga intoleranca mund të përforcohen shumë herë gjatë pubertetit, shtatzënisë dhe menopauzës. Mbani mend se këto simptoma kryesisht njihen tek gratë.

Probleme me sistemin nervor qendror

Gluteni rrit inflamacionin dhe përshkueshmërinë e zorrëve. Si rezultat, simptomat e ndjeshmërisë së glutenit mund të përfshijnë probleme me përqendrimin, depresionin, ankthin, pagjumësinë dhe lodhjen. Disa njerëz me intolerancë ndaj glutenit përjetojnë nervozizëm dhe kanë përqendrim të dobët. Një person që është alergjik ndaj glutenit mund të përjetojë një dhimbje koke 30-60 minuta pas ngrënies.

ADHD

Një çrregullim tjetër që mund të shoqërohet me intolerancën ndaj glutenit është Çrregullimi nga deficiti i vëmendjes dhe hiperaktiviteti (ADHD). ADHD mund të shfaqet si tek fëmijët ashtu edhe tek të rriturit. Njerëzit me këtë çrregullim kanë një hapësirë të shkurtër vëmendjeje dhe probleme me vetëkontrollin. Një dietë pa gluten mund të ndihmojë në uljen e simptomave të ADHD-së.

Problemet e lëkurës dhe thonjve

Simptomat përfshijnë kruajte dhe skuqje që mund të shfaqen në duart tuaja, bust, fytyrë, vithe, bërryla dhe skalpin e kokës. Një simptomë janë edhe thonjtë e dobët.

Dhëmbë të dobët

Në rast të intolerancës ndaj glutenit, absorbimi i elementeve dhe mineraleve të nevojshme në zorrë është i dëmtuar. Kjo vlen edhe për kalciumin Rezultati mund të jetë probleme me dhëmbët dhe zgavrën e gojës. Mbindjeshmëria e smaltit, prishja e dhëmbëve, dëmtimet dhe ulçera e zgavrës mukoze. Kujdesuni mirë për dhëmbët tuaja!

Anemia

Shumë shpesh, sëmundja celiac diagnostikohet për shkak të mungesës së hekurit. Simptomat e saj përfshijnë lodhjen, gulçim, dhimbje koke, zbehje të lëkurës, mukozë, madje edhe artrit. Intoleranca ndaj glutenit dëmton përthithjen e hekurit nga zorrët.

Sëmundjet autoimune

Shumë njerëz me sëmundje autoimune kanë një histori të intolerances ndaj glutenit. Sëmundja celiac është një sëmundje autoimune në të cilën sistemi imunitar sulmon qelizat e zorrëve pasi gluteni hyn në të. Kjo sëmundje autoimune rrit rrezikun e zhvillimit të sëmundjeve të tjera autoimune, të tilla si tiroiditi autoimun, sëmundja autoimune e mëlçisë, sëmundja e Crohn, diabeti, artriti reumatoid dhe skleroza e shumëfishtë.

Si ta zbuloni nëse keni intolerancë

Mjeku juaj do të marrë një mostër gjaku dhe do ta kontrollojë atë për antitrupa që zakonisht janë të pranishme në gjakun e njerëzve. Para shqyrtimit, duhet të përfshini gluten në dietën tuaj pasi kjo do të ndihmojë për të shmangur rezultatet e pasakta. /Telegrafi/