Me këtë fustan shkoj në dasmë – vajza mori kritika pozitive dhe negative

Titktoterja Emily Rae ka publikuar një video në të cilën ka treguar fustanin që ka zgjedhur për të marrë pjesë në një dasmë ku ishte e ftuar. Por, zgjedhja e saj e veshjes bëri debat në këtë rrjet social.

Fustani paraqiste një model lulesh rozë, nuanca të shijshme dhe detaje të palosura me qafën V. Beli i stilit korse i vinte në pah figurën, ndërsa gjatësia e fustanit i vinte në pah këmbët. Ajo kompletoi veshjen me një çantë dore të artë, syze dielli të mëdha dhe taka elegante.

Emily e përshkroi veten si një “zanë dhe princeshë me lule nga vitet ’90”, theksoi se ky është fustani i saj i preferuar në dollapin e saj dhe u rekomandoi vajzave të tjera të blinin të njëjtin.

@emily_rae_baker @asos nevet fails me #fyp #trending #viral #weddingtiktok #weddingguestdress #ootd ♬ original sound – Emily Rae ✨🍒🪩

Pavarësisht entuziazmit të saj, reagimet në rrjetet sociale, ku video ka grumbulluar afro 300 mijë shikime, kanë qenë të përziera. Shumë e kritikuan zgjedhjen e saj, duke besuar se mund të lërë në hije nusen, ndërsa disa komentuan se fustani dukej si një “stoli e Krishtlindjeve e viteve 80”.

“Nuk është një fustan i keq, por mendoj se të gjithë do të shikojnë ty dhe jo nusja”, “Jam i sigurt se askush nga vitet ’90 nuk do ta vishte këtë”, “Diçka nuk shkon mirë”, “Dukesh si Motrat e liga të Hirushes kur u shfaqën në ballo”, ishin vetëm disa nga komentet negative.

Megjithatë, ka pasur edhe komente pozitive. Disa njerëz shprehën admirimin e tyre, duke thënë se Emily dukej “joreale”. Një përdorues shkroi se “dukesh mahnitëse! Do të doja të kisha kaq shumë besim”. /Telegrafi/