Sëmundjet kardiovaskulare (të zemrës dhe enëve të gjakut) në vendet industriale janë shkaktari më i shpeshtë i vdekjes.
Kardiologët shpjegojnë se kjo ndodh për shkak të mënyrës moderne të të jetuarit, ku përfshihet aktiviteti minimal fizik, ushqimi i pashëndetshëm, niveli i lartë i stresit, duhanpirja, shtypja e lartë e gjakut, sëmundja e sheqerit dhe të tjera.
Ndër faktorët më të rëndësishëm për zhvillimin e sëmundjeve të zemrës janë shtypja e lartë e gjakut (hipertensioni arterial) dhe pirja e duhanit.
Substancat kimike në duhan mund ta dëmtojnë zemrën dhe enët e gjakut, që çon deri në ngushtimin e arterieve për shkak të grumbullimit të pllakave (ateroskleroza) e që në progres e sipër mund të shkaktojë infarkt (sulm në zemër).
(Foto: Carlos Alvarez/Getty Images/Guliver)
Monoksidi i karbonit në duhan zvogëlon nivelin e oksigjenit në gjak duke rritur shtypjen e gjakut dhe numrin e të rrahurave të zemrës.
Prandaj, kardiologët rekomandojnë që të hiqni dorë nga duhanpirja dhe të ecni sa më shumë ose të vozitni biçikletën. Njëherësh, duke u orientuar edhe tek ushqimi i shëndetshëm.
Është një formulë e thjeshtë: Sa më shumë që organizmi ekspozohet ndaj materieve të dëmshme, rreziku është më i madh për sëmundje. Prandaj, ndryshimi në sjellje dhe mënyrë të jetesës, mund ta zvogëlojë këtë rrezik. /Telegrafi/
