Me drejtësinë po përballet kryeshefi i Ujësjellësit të Gjakovës, Hasan Krasniqi, i cili u arrestua në Bullgari më 19 shkurt me kërkesë të INTERPOL-it.
Dje, ai doli në gjykatore para autoriteteve bullgare, kurse brenda 10 ditëve pritet të ekstradohet në Itali.
Sipas avokatit të tij, nuk qëndron akuza për “Kontrabandë me të mitur”, por bëhet fjalë për favorizim migracioni.
Hasan Krasniqi aktualisht mban pozitën e kryeshefit të KRU “Gjakova”, ndërsa ka qenë edhe kandidat i Vetëvendosjes për asamblist.
Ai ka dalë dje në gjykatore, para autoriteteve bullgare.
Këtë e konfirmoi për RTK-në avokati mbrojtës i Krasniqit, Tritan Hamitaj.
“Është mbajtur seanca dhe pritet sipas procedurës së shtetit bullgar, duhet pritur një afat tre ditor që pëlqimi i tij që ai ka dhënë që ai të shkoj në Itali me procedurë të shpejtuar, dhe pas tre ditësh autoritetet bullgare do të kontaktojnë me autoritetet italiane për të ekzekutuar ekstradimin e thjeshtuar, që zoti Krasniqi të paraqitet para autoriteteve italiane”, ka thënë Hamitaj.
Hamitaj thotë se nuk qëndron akuza për “Kontrabandë me të mitur”, por bëhet fjalë për favorizim migracioni.
Sipas tij, Krasniqi nuk ka asnjë lidhje direkte me ngjarjen për të cilën po akuzohet nga shteti italian.
“Është favorizim migracioni, dhe jo kontrabandë me të mitur, rezulton se disa sportistë më nuk janë kthyer në Kosovë, duke përfituar azil nga mosha e tyre minorene”, ka thënë ai.
“Zoti Krasniqi nuk ka asnjë dijeni që këta sportist nuk janë kthyer më në Kosovë, as se si janë marrë vizat, ai vetëm ka ofruar transportin, në fakt duke qenë ortak në këtë kompani transporti, ai indirekt është pjesë e gjithë kësaj”, ka shtuar avokati.
Kryeshefi i KRU “Gjakova”, Hasan Krasniqi, dyshohet ka kryer kontrabandë me të mitur, si aksionar në një kompani transporti, duke dërguar sportistë në shtetin italian. Të njëjtit dyshohet se kur kanë hyrë në Itali në vitin 2022, nuk janë kthyer më në Kosovë.
Hamitaj shton se pas hetimeve autoritetet italiane kanë vlerësuar se Krasniqi duhet të shpjegojë rrethanat e kontraktimit të mjeteve të transportit nga klubet sportive dhe rolin e tij në dijeninë ose jo të parregullsive në marrjen e vizave.
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë