I kërkoi autograf Messit në fund të ndeshjes, gjyqtari mori një pezullim të madh

Inter Miami mposhti Sporting Kansas Cityn me rezultat 1-0 në ndeshjen e parë të fazës së 1/8-tës të Ligës së Kampionëve të CONCACAF javën e kaluar dhe gjyqtari i asaj ndeshje, Marco Ortiz, mori një pezullim të madh për ndërveprim me Lionel Messin në fund të ndeshjes.

Pas përfundimit të ndeshjes, gjyqtari meksikan ka përshëndetur të gjithë lojtarët, e më pas ka ndaluar Messin dhe i ka kërkuar autograf.

Organi drejtues i futbollit në Amerikën Veriore dhe Qendrore (CONCACAF) njoftoi se Ortiz u pezullua për gjashtë muaj për këtë veprim.

Lexo po ashtu Gjyqtari 'harron' rolin e tij: Kërkon autograf nga Messi dhe përfundon në telashe të mëdha

CONCACAF bëri të ditur se Ortiz i kishte kërkuar autograf Messit për një pjesëtar të familjes me nevoja të veçanta, por edhe sikur të ishte kështu, gjyqtari meksikan nuk ishte “anashkaluar”.

Ortiz thuhet se ka pranuar se i ka kërkuar autograf Messit, ka kërkuar falje dhe ka pranuar dënimin.

🔴 La @Concacaf sancionará al árbitro mexicano Marco Antonio Ortíz, por pedirle un autógrafo a Lionel Messi, al finalizar el partido entre @InterMiamiCF y @SportingKC en @TheChampions pic.twitter.com/S9VpP7m0s9

— PressPort (@PressPortmx) February 22, 2025

Kështu Ortiz është pezulluar nga ndeshjet ndërkombëtare, por do të mund të gjykojë ndeshjet e kampionatit meksikan.

Megjithatë, nëse ai përsërit një veprim të ngjashëm, ai do të pezullohet përgjithmonë. /Telegrafi/