Mos ulja e çmimit edhe për konsumatorët e amvisërisë po konsiderohet e pa drejtë. Përfaqësues të shoqërisë dhe mbrojtës të të drejtave të konsumatorëve kanë kërkuar që çmimi i rrymës të ulet edhe për amvisëritë e jo vetëm për bizneset.
Zyra e Rregullatorit të Energjisë Elektrike (ZRRE) ka marrë vendim që nga 1 nëntori të ulen tarifat e energjisë elektrike për konsumatorët industrialë dhe komercialë për 5 për qind, por jo edhe për konsumatorët e amvisërisë, me arsyetimin se amvisëritë vazhdojnë të kenë çmim të ulët.
Zyrtarët e ZRRE-së kanë thënë se konsumatorët shtëpiak kanë çmim më të ulët të rrymës sesa konsumatorë e tjerë.
Drejtori i organizatës “Konsumatori”, Selatin Kaçaniku, ka thënë për Telegrafin se çmimi i energjisë të zbritet deri në 30 për qind.
“Kërkojmë që çmimi i energjisë elektrike të zbritet deri në 30 për qind, sepse mendojmë se nuk ka të drejtë askush për asnjë rritje të energjisë elektrike”, tha Kaçaniku.
Ai tha se kjo ulje e çmimeve te bizneset nuk do të reflektojë në uljen e produkteve.
“Kjo ulje e çmimit të energjisë elektrike te bizneset nuk do të reflektojë të uljen e produkteve që na dedikohen neve. Duhet të jemi të kënaqur se nuk kemi shtrenjtim të energjisë elektrike. Vazhdimisht kemi bërë betejë që rritja e energjisë elektrike të nxjerrët nga vetë struktura e vetë çmimit, sepse konsiderojmë se duke i zbatuar disa standarde pa e rritur çmimin të kenë përfitime të rritura”, thotë ai.
Dardan Abazi, hulumtues në Konsorciumin Kosovar të Shoqërisë Civile për Zhvillim të Qëndrueshëm (KOSID), ka thënë për Telegrafin se do të duhet të kishte zbritje të tarifave edhe për amvisëritë.
“Përballueshmëria e çmimeve për konsumatorët e amvisërisë gjithashtu është e rëndësishme dhe ne do të donim që ZRRE-ja ta merrte parasysh një ulje të përgjithshme të tarifave të energjisë elektrike, për të gjitha kategoritë dhe kjo mund të bëhej nëse do të kishte një zbritje prej 3 për qind për të gjithë kategoritë”, tha Abazi.
Këtë vit sipas tij, ka pasur rritje të kostos së faturave të energjisë elektrike.
“ZRRE këtë vit ka imponuar një ndryshim të strukturës tarifore, i cili ka shkaktuar rritje de-facto të kostos së faturave të qytetarëve të Kosovës. Duke qenë se ka pasur kësi lloj rritjesh përmes ndryshimeve të strukturës së faturave, ne kemi konsideruar që ZRRE-ja të kishte parasysh këtë fakt me vendosjen e tarifave dhe të paraqiste një ulje për të dy kategoritë, ato të amvisërisë dhe bizneset”, tha Dardan Abazi nga KOSID-i.
Zëdhënësja Zyrës së Rregullatorit të Energjisë Elektrike, Adelina Murtezaj, për Telegrafin ka thënë se amvisëritë vazhdojnë të kenë çmim të ulët dhe për këtë nuk ka pasur zbritje të çmimit të energjisë elektrike.
“Ky vendim vjen si rezultat i aprovimit të të Hyrave të Lejua Maksimale për operatorët e rregulluar dhe analizave të dala gjatë llogaritjes së kostove të shërbimit për këto kategori të konsumatorëve. Po ashtu ulja e tarifave për konsumatorët industrial, komercial dhe ndriçimit publik, ka ardhur si nevojë e eliminimit të ndër-subvencionimit në mënyrë që të ribalancohen tarifat gradualisht ndërmjet kategorive të konsumatorëve me qëllim që të zbutjes së ndikimit të rritjes së çmimit dhe reflektimit të kostos për cilindo kategori të konsumatorëve. Pra konsumatorët shtëpiak vazhdojnë të kenë çmim më të ulët se konsumatorë e tjerë”, tha për Telegrafin, Murtezaj.
Llogaritur në çmimet e aktuale të aplikuara nga ZRRE, vetëm kategoria e konsumatorëve të mëdhenj të energjisë reaktive, për tarifat ditore, përkatësisht tarifat e larta dhe e ulët (ditë–natë), për kilovat paguajnë 4.96 respektivisht 6.69 euro. /Telegrafi/
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Nagip Krasniqi shkarkohet nga pozita e kryeshefit të KEK-ut
Saktësi, efikasitet dhe rehati - Ultratingulli revolucionar SonoMax 9
Mesazhet iraniane ulën çmimet e naftës në tregun botëror
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën