Instituti Demokracia për Zhvillim (D4D), ka mbajtur diskutimin me gazetarë cilët raportojnë për çështje ekonomike. Gjatë këtij diskutimi u prezantua punimi i lansuar “Zhvillimin i turizmit përmes politikave dhe legjislacionit efikas”.
Sipas organizatorëve diskutimi ka për qëllim që të sensibilizojë publikun e gjerë rreth rëndësisë së zhvillimit të turizmit si një prej fushave me rëndësi vitale për shtetin. Pjesëmarrësit konstatuan se publiku i gjerë dhe disa sektorë të shoqërisë, duke përfshirë sektorin privat nuk janë mjaftueshëm të inkurajuar të marrin pjesë në konsultimet mbi turizmin. Por as nuk janë të mirë-informuar nga përfitimet që do të kenë nëse përfshihen më shumë në planifikim të aktiviteteve dhe zbatimit e tyre, bashkë me institucionet relevante.
Hartuesi i raportit, Isuf Zejna prezantoi të gjeturat e raportit “Zhvillimin i turizmit përmes politikave dhe legjislacionit efikas” ku tha se në Kosovë ndikimi i turizmit është shumë i vogël përderisa në aspektin global ka një rëndësi shumë të madhe në GDP-në e vendeve.
“Ajo çka kemi gjetur është se investimet janë shumë të vogla në Kosovë edhe nuk kemi një kornizë të mirë institucionale. Ministria e Tregtisë dhe Industrisë nuk i ka kapacitetet e mjaftueshme , ka vetëm një divizion për turizëm i cili përbëhet nga tre punëtor dhe kjo është e pamjaftueshme për ta menaxhuar një industri kaq të madhe dhe në rritje globalisht. Në mesataren evropiane dhe globale ndikimi i turizmit direkt në GTP –në e vendit është 3.3 për qind ndërsa në Kosovë kjo sillet rreth 1 për qindëshit e që i bie që kemi një ndikim shumë të vogël të ndikimit të turizmit në Ekonominë e vendit”, tha ai.
Zejna ka thënë se Kosova ka potencial për ta rritur numrin e turistëve por në anën tjetër ka mungesë të veprimeve institucionale për ta zhvilluar këtë sektor në Kosovë. Për këtë ai thotë se kanë rekomanduar themelimin e Organizatës Kombëtare të Turizmit.
“Ne kemi rekomanduar që të themelohet një Organizatë Kombëtare e Turizmit në të cilën përfshihen, sektori privat, universitetet, shoqëria civile si dhe të gjitha ministritë të cilat kanë një rol në fushën e turizmit. Për shembull , Ministria e Ambientit dhe Ministria e Kulturës që janë dy ministri shumë të rëndësishme në këtë fushë edhe aktualisht nuk ka ndonjë përfshirje të këtyre ministrive në vendimmarrje sa i përket turizmit, ato funksionojnë si të ndara, nuk ka koordinim ndërinstitucional. Kemi kërkuar një organizatë kombëtare në të cilën mblidhen të gjithë aktorët të cilët duhet të konsultohen dhe i marrin vendimet në formë të përbashkët”, theksoi ai.
Ky aktivitet realizohet me përkrahje nga programi Promovimi i Punësimit në Sektorin Privat (PPSE), që financohet nga Agjencia Zvicerane për Zhvillim dhe Bashkëpunim në Kosovë (SDC) dhe implementohet nga Swisscontact, Instituti Riinvest dhe PEM Consult. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Karnavali Golden Eagle bashkon artistët më të mirë shqiptarë
Biznesi po merr teposhtën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë