E plotësuar: Komisioni Qendror i Zgjedhjeve vendosi sot që të shkojnë në rinumërim 494 vendvotime.

Në mbledhjen e KQZ u tha se këto vendvotime kanë shkuar në rinumërim për disa arsye, si gabimi në bartjen e votës, gabimi në bartjen në formularët e rezultateve të kandidatëve, kandidati ka më shumë vota sesa subjekti politik, kur subjekti ka vota, ndërsa kandidati nuk ka vota dhe anasjelltas.

35 kuti kanë shkuar në rinumërim të plotë për gabim në bartjen e votës.

6 vendvotime rinumërohen për probleme teknike/gabimi në bartjen në formularët e rezultateve të kandidatëve, për shkak që numri i votave ishte i paqartë.

370 vendvotime rinumërohen pasi kandidati ka më shumë vota sesa subjekti politik dhe 83 vendvotime tjera rinumërohen kur subjekti ka vota, ndërsa kandidati nuk ka vota dhe anasjelltas.

Kërkohet rinumërimi i 494 vendvotimeve

E plotësuar: Sot në Komisionin Qendror të Zgjedhjeve u kërkua që shkojnë në rinumërim 494 vendvotime.

Në mbledhjen e KQZ-ja, Burim Ahmetaj ka rekomanduar që këto vendvotime të shkojnë në rinumërim.

Ai bëri të ditur se janë ndarë në katër kategori vendvotimet të cilat do të rinumërohen.

Gabimi në bartjen e votës, pasi janë bartur votat gabimisht në subjektet politike dhe nuk kanë arritur ta kalojnë auditimin.

Gabimi në bartjen në formularët e rezultateve të kandidatëve, për shkak që numri i votave ishte i paqartë

Kandidati ka më shumë vota sesa subjekti politik

Kur subjekti ka vota, ndërsa kandidati nuk ka vota dhe anasjelltas. /Telegrafi/