Drejtorët e shkollave thonë se po të ofroheshin kushte më të mira, atëherë edhe kërkesat për shkolla profesionale do të ishin më të mëdha.

Statistikat tregojnë se nxënësit kosovarë më shumë drejtohen në gjimnaze se në shkolla profesionale.

Numri i vogël i të diplomuarve në këto shkolla po detyron bizneset që të kërkojnë punëtorë edhe jashtë vendit.

Ministres së Arsimit, Arbërie Nagavci, në Komisionin Parlamentar për Arsim i është kërkuar që të bëjë më shumë për këto shkolla, por që vet Nagavci thotë se e kanë prioritet këtë çështje.

“Ne synojmë që të përmirësojmë gjendjen në arsimin dhe aftësimin profesional, qoftë me programe, kurrikula e sidomos me programet e praktikës”, deklaroi Nagavci.

Reklama

Por drejtori i Shkollës Teknike në Pejë, Arben Gjikolli, thotë se shkollat profesionale kanë nevojë për kushte më të mira në mënyrë që edhe nxënësit me nota të mira të shkojnë në këto shkolla.

Reklama

“Nëse krijohen kushte më të mira në shkollat profesionale, besoj se edhe nxënësit me mësim nxënie shumë të mirë ose të shkëlqyeshme do të synojnë këto shkolla”, deklaroi Gjikolli për RTV Dukagjinin.

Ndërsa Erblin Hoxha nga Lëvizja Fol kritikon planin qeverisës që prek pjesën e shkollave dhe tregut të punës, përcjell Telegrafi.

“Qeveria ka dhënë mesazhin se do ta krijojë një kurrikulë të veçantë që i përgjigjet kërkesave të punës, mirëpo mekanizmat për ta bërë atë janë shumë problematik pasi arsimi i lartë është i pavarur. Pra universitetet janë ato që duhet të ofrojnë programe shkollimi varësisht nga kërkesat e tregut të punës. Nuk duhet të jetë qeveria ajo që bënë këto propozime”, deklaroi Hoxha./Telegrafi/

Reklama