Një person nga Fushë Kosova ka keqpërdorur emrin e kryetarit të Këshillit për Mbrojtjen e të Drejtave të Veteranëve të Ushtrisë Çlirimtare të Kosovës, Xhevdet Qeriqi, duke mashtruar kështu disa persona se do t’i pajisë me libreza të veteranëve dhe do të punësojë të afërmit e tyre.
Rastin tashmë e ka paraqitur në Policinë e Kosovës, kryetari i Këshillit për Mbrojtjen e të Drejtave të Veteranëve të UÇK-së, Xhevdet Qeriqi.
Qeriqi në një deklaratë të dhënë për Telegrafin, ka thënë se se më datën 15 korrik e ka kuptuar se emri tij është keqpërdorur nga dikush.
“Më 15 korrik e kam kuptuar se një person e ka keqpërdorur emrin tim, duke mashtruar tre persona se është i afërm i im, dhe që do të ju bëjë libreza të veteranëve. Unë kam takuar tre viktimat, të cilët më kanë treguar se ai i kishte premtuar se do të bëjë edhe punësime. Ai u ka marrë edhe para, së bashku me tre viktimat jemi shku në Polici dhe e kemi paraqit rastin. Unë kam arritur ta identifikoj personin, i cili është nga Fushë Kosova, por që deri tani ai nuk është arrestuar. Rastin e kam lajmëruar edhe në Prokurori”, deklaroi ai.
Qeriqi tha se është prekur shumë nga ky rast, dhe se ai asnjëherë nuk ka mashtruar askënd, duke shtuar se do të bëjë çmos që të zbardhet ky rast.
Lidhur me rastin, Telegrafi ka provuar të marrë edhe një përgjigje nga Policia e Kosovës, por që deri tani nuk ka pranuar ndonjë përgjigje.
Ndryshe, çështja e veteranëve të luftës është rregulluar me ligj në Kosovë.
Kategoritë e trajtuara në këtë ligj, varësisht nga statusi dhe kriteret e përcaktuara, për shkak të sakrificës sublime dhe kontributit shumë të lartë në luftën çlirimtare të UÇK-së, janë përfitues edhe të beneficioneve të veçanta.
Ligji për Statusin dhe të Drejtat e Dëshmorëve, Invalidëve, Veteranëve, Pjesëtarëve të Ushtrisë Çlirimtare të Kosovës, Viktimave Civile dhe Familjeve të tyre, ka hyrë në fuqi në vitin 2011.
1.7. Invalid i luftës së UÇK-së – pjesëmarrësi i UÇK, organizmi i të cilit është dëmtuar mbi 20% për shkak të plagës, lëndimit apo sëmundjes që ka pësuar në luftë, apo si i internuar (i burgosur) në burgjet apo kampet e armikut dhe shtetasi i huaj si veteran i UÇK –së , nga 1997- 1999;
1.8. Invalid civil i luftës – personi, organizmi i të cilit është dëmtuar së paku 40 % si pasojë e plagëve të marra nga armët, sëmundjes së fituar në burgjet apo kampet gjatë luftës së fundit në Kosovë, prej datës 27.02.1998 deri me datën 20.06.1999, si dhe personat e tjerë, organizmi i të cilëve është dëmtuar së paku 40 % si pasojë e mjeteve shpërthyese të mbetura pas përfundimit të luftës;
1.9. Veteran i UÇK-së – qytetari i Kosovës dhe shtetasi i huaj i cili është radhitur në radhët e UÇK-së dhe është regjistruar si ushtar nga komandat (shtabet e zonave operative të UÇK-së),
përkatësisht Shtabi i Përgjithshëm i UÇK-së, gjatë periudhës 1997-1999″, thuhet në Ligjin për Statusin dhe të Drejtat e Dëshmorëve, Invalidëve, Veteranëve, Pjesëtarëve të Ushtrisë Çlirimtare të Kosovës, Viktimave Civile dhe Familjeve të tyre. /Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Përshkallëzohet sërish protesta e opozitës, hidhet molotov në derën e Bashkisë
“Kryeministër si 2, si 7, si 27, është ngacmim seksual”, Lëvizja Studentore Feministe me aksion simbolik
QKUK-ja bëhet me skanerin PET/CT, donacion nga organizata "Alwaleed Philanthropies Global" në bashkëpunim me Fondacionin “Jahjaga”
Dorëzimi i donacioni i PET/CT, Osmani takon princeshën Alsaud – flasin për projektet tjera në interes të qytetarëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre