Vendimi i Qeverisë së Maqedonisë së Veriut për të shpallur të pavlefshëm procesin e lustrimit, ka shkaktuar reagime të shumta, disa e kanë mbështetur propozimin e qeverisë që duhet të kalojë në Kuvend, ndërsa të tjerët kanë dalë kundër duke e vlerësuar madje edhe si skandaloz.
Komisioni për verifikimin e fakteve, një komision qeveritar, që nga viti 2009 deri në vitin 2015 kishte shpallur bashkëpunëtorë të sigurimit të shtetit rreth 200 personalitete të ndryshme si ish-politikanë, zyrtarë të mëparshëm, gazetarë, profesorë, e figura tjera të jetës publike.
Ky proces atë kohë kishte shkaktuar tronditje të mëdha pasi ishte vlerësuar si hakmarrje e pushtetit të qeverisë së kaluar të OBRM-PDUKM-së ndaj të gjithë atyre që kritikonin punën e qeverisë.
Një ndër ta ishte edhe profesori Sefedin Haruni, i cili për shtatë vjet me radhë ka bredhur instancave gjyqësore, që më në fund drejtësinë ta arrijë në Gjykatën Ndërkombëtare për të Drejtat dhe Liritë e Njeriut të Strasburg, e cila e shpalli të pafajshëm, ndërsa e obligoi shtetit që t’i paguajë një dëmshpërblim prej pesë mijë eurosh.
“Lustrimi ishte në një mënyrë proces i montuar për largimin e njerëzve nga skena politike. Jam habitur se si ka mundur që të gjithë kundërshtarët e Thaçit (Menduh Thaçi, kryetar i PDSH-së) të lustrohen. Janë lustruar edhe njerëz të vdekur. Qeveria e vonoi këtë proces, por unë gjithmonë kam qenë i sigurt se ky proces mund të vonojë, por në fund do të dalë e vërteta pasi nuk ka as dosje, as dokumente, e asgjë tjetër”, thotë Sefedin Haruni.
Nga qeveria presin që propozimi do të miratohet pa problem në kuvend dhe se me këtë do të përmirësohet një padrejtësi e madhe që i është bërë personave të lustruar apo të shpallur me pa të drejtë si bashkëpunëtorë të sigurimit të shtetit.
“Është e qartë se ishte bërë një padrejtësi e madhe ndaj qytetarëve. Për fat të keq, ne edhe sot e kësaj dite po paguajnë për pasojat që shkaktoi regjimi i kaluar. Proceset e porositura nga e ashtuquajturi ‘lustrim’ do të mbeten vetëm një kujtim i keq i regjimit”, ka deklaruar Kostadin Kostadinov, deputet i social-demokratëve të kryeministrit, Zoran Zaev.
Por, nga opozita kanë thënë se ky vendim është absurd pasi sipas OBRM-PDUKM-së me këtë i bëhet një padrejtësi e madhe të gjithë atyre personave që ishin viktima pikërisht të spiunëve të shtetit.
“Anulimi i lustrimit nënkupton rrënimin e gjithë sistemit të drejtësisë. Kjo procedurë nuk më befason, por më shqetëson, pasi kjo lë hapësirë për çdo qeveri në të ardhmen të miratojë dhe anulojë zgjidhje sistematike që do të kenë pasoja të rënda mbi gjyqësorin. Kjo nuk është gjë tjetër pos banditizëm dhe diletantizëm. Janë gjëra të tmerrshme, ata nuk janë të vetëdijshëm për dëmin që po i shkaktojnë sistemit të drejtësisë ”, thuhet në një reagim me shkrim të Tome Adziev, i cili ishte kryetar i Komisionit për verifikimin e fakteve, i propozuar atë kohë nga OBRM-PDUKM-ja.
Sipas propozim-ligjit të qeverisë, personat e dëmtuar nga procesi i lustrimit do të kenë të drejtën e kërkimit të dëmshpërblimit për pasojat që kanë përjetuar, duke ngritur padi përpara gjykatave kompetente në Maqedoninë e Veriut.
Procesi i lustrimit ishte ndërprerë në shtator të vitit 2015 pas kritikave në opinion, në veçanti pas raportit të grupit të ekspertëve të Bashkimit Evropian, i kryesuar nga Rainhard Pribe, në të cilin kishte vërejtje të shumta mbi këtë proces duke e vlerësuar si masë për luftimin e kundërshtarëve politikë./REL/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe