Katy Perry largohet nga Australia mes shqetësimeve të coronavirusit, ndërsa i dashuri i saj rikthehet në SHBA për t’u vetë-izoluar

Këngëtarja Katy Perry u largua nga Sidnei, Australi, të enjten, nga frika e coronavirusit gjersa i fejuari i saj, Orlando Bloom, njoftoi se po kthehej në Shtetet e Bashkuara për t’u vetë-izoluar.

Ylli i “American Idol”, e cila së fundmi njoftoi se po pret fëmijën e saj të parë me aktorin e “Pirates of the Caribbean”, u pa në aeroport disa orë pas anulimit të disa prej ngjarjeve të planifikuara të saj.

Sipas DailyMail, Perry ishte e mbyllur në dhomën e saj të hotelit për 24 orë para largimit pasi dy punonjës në ndërtesën “Universal Music” në Woolloomooloo ishin të infektuar me virusin.

Gjithashtu, raportohet se Perry po qëndronte në të njëjtin hotel ku Tom Hanks dhe Rita Wilson qëndronin përpara duke qenë se edhe ata kishin kontraktuar coronavirusin.

Ndërkohë, i fejuari i saj i famshëm zbuloi përmes postimeve në Instagram se shfaqja e tij në Amazon, “Carnival Row”, e cila u xhirua në Pragë, ishte midis një numri të shfaqjeve televizive që vendosi të mbyllet për të ndihmuar në luftimin e përhapjes së virusit.

Lexo po ashtu Të gjitha lajmet nga Coronavirus

“Është lamtumira nga ne, ndërsa po shkojmë në shtëpi për t’u izoluar”, tha Bloom, sipas People.

Ylli e përmbylli mesazhin e tij me një shënim në lidhje me vetë-izolimin dhe duke u thënë ndjekësve të tij të bëjnë të njëjtën gjë.

Coronavirusi apo COVID-19 ka infektuar mbi 134 mijë njerëz në mbarë botën dhe si pasojë e tij mbi katër mijë prej tyre kanë vdekur. /Telegrafi/