Katie Price tregon gjoksin e saj të zmadhuar nga operacionet gjatë një rrëshqitjeje në topogan

Katie Price tregoi gjoksin e saj të sapo zmadhuar ndërsa ishte me pushime në Tajlandë me të fejuarin Carl Woods në një video në YouTube të publikuar të premten.

Ylli, 43 vjeçe, e cila u kthye nga Azia Juglindore të mërkurën, thuhet se para pak kohësh kreu operacionin e fundit në gjoks dhe liposuksionin e plotë të trupit me heqjen e yndyrës së dhjamit në dhjetor, përpara se të kthehej fshehurazi në Belgjikë në janar për ngritjen e syve dhe vetullave.

Dhe ylli tani po tregon me krenari asetet e saj të bollshme, ndërsa u shfaq nga pushimet e veshur me një palë bikini të vogla gjatë një zhytjeje në pishinë gjatë pushimeve të tyre tropikale në resortin “Meliá Koh Samui”, shkruan DailyMail.

Teksa po shijonin momentin e tyre relaksues së bashku, ish-konkurrenti i spektakli “Love Island”, Carl, 32 vjeç, e pyeti partneren e tij: “Cila është ajo pikë e vogël në hundë?”.

Dhe Katie e tronditur u përgjigj: “Në çfarë vendi? Pse nuk më tregove?”.

Modelja e famshme britanike më pas shkoi në topoganin e pishinës, duke bërtitur “këto janë pushime”, ndërsa rrëshqiti në ujë.

Kjo paraqitje e saj vjen pasi Katie Price zbuloi rezultatet e operacionit të saj të 13-të të gjoksit të martën ndërsa ishte në një udhëtim me varkë me Carl gjatë pushimeve të tyre në Tajlandë.

Sipas The Mirror, familja e Katie është ‘e tmerruar’ me operacionin e saj të fundit dhe thuhet se janë të zhgënjyer që kirurgët ranë dakord që ajo të hynte sërish nën thikë.

Një burim tha: “Po bëhet vërtet budallaqe tani dhe më shumë se paksa e papërgjegjshme. Të gjithë janë shumë të tmerruar, për të qenë i sinqertë”.

Nëna e Katiet, Amy, më parë pranoi se kishte frikë se vajza e saj mund të kishte dismorfi trupore, duke thënë për The Sunday Times: “Ajo nuk më thotë tani sepse ajo e di që do të shqetësohem”.

“Ndoshta ajo e bën këtë sepse nuk ndihet mjaft tërheqëse, ose ndoshta është dismorfia e trupit. Një pjesë e problemit është se ajo i bën operacionet e saj pa pagesë, kështu që dikush po e shfrytëzon gjithmonë emrin e saj”, kishte thënë ajo. /Telegrafi/