Një gjurmë dinozauri e ruajtur mirë është zbuluar nga një vajzë katër-vjeçare në një plazh të Uellsit.

Sipas BBC, përcjell Telegrafi, Lily Wilder e zbuloi atë në Bendricks Bay, Barry në Luginën e Glamorgan – dhe shkencëtarët besojnë se kjo mund të ndihmojë në përcaktimin e mënyrës se si ecnin dinozaurët.

Gjurma, e gjetur në muajin janar, daton prej 220 milionë vitesh dhe ishte ruajtur në baltë.

Derisa është e pamundur të vërehet se nga cilit lloj të dinozaurit i përket, gjurma është e gjatë 10 centimetra dhe ka të ngjarë të jetë lënë nga një dinozaur i gjatë rreth 75 centimetra.

Reklama

Kuratorja e paleontologjisë së Muzeut Kombëtar të Uellsit, Cindy Howells e përshkroi gjetjen si “ekzemplarin më të mirë të gjetur ndonjëherë në këtë plazh”.

Reklama

“Ishte Lily dhe Richard (babai i saj) ata që zbuluan gjurmën”, tha mamaja Sally.

“Lily e pa atë kur ata ishin duke ecur së bashku dhe tha ‘babi shiko’”, tha ajo. /Telegrafi/