Kapen pajisje ilegale të kriptovalutave në Podujevë, shpenzuan 40 mijë euro energji elektrike

Janë sekuestruar disa pajisje për prodhimin e kritpovalutave.

Siç njofton Dogana e Kosovës, këto pajisje janë sekuestruar në Podujevë, ku oficerët kanë kryer një bastisje në një banesë private ku dhe kanë gjetur mallra pa dokumentacion i cili është i kontrabanduar në vendin tonë.

“Oficerët doganor me urdhër të organeve kompetente kanë bastisur një objekt banimi në Podujevë ku edhe kanë gjetur mallra ilegale të kontrabanduara. Më saktësisht në Podujevë, oficerët doganor kanë kryer një bastisje në një banesë private ku dhe kanë gjetur mallra pa dokumentacion i cili është i kontrabanduar në Kosovë. Me këtë rast janë konfiskuar: 23 copë  Ant-Miner El 3 dhe 13 shtëpiza 1 st cool”, njofton Dogana.

Përpos kësaj është konstatuar se vendin e njëjtë kishte edhe vjedhje të rrymës, sipas konstatimeve preliminare vjedhja e energjisë elektrike është mbi 40 mijë euro.

“Të gjitha pajisjet ishin në funksion për prodhim të kriptovalutave. Me këtë rast përpos mallit të kontrabanduar zyrtarët doganor kanë vërejtur edhe një lidhje të dyshimtë në rrjetin e rrymës elektrike dhe kane njoftuar edhe zyrtarët e KEDS të cilët kanë dalë në vend të ngjarjes dhe kanë konstatuar se kemi të bëjmë me kyçje ilegale dhe vjedhje të rrymës elektrike. Sipas konstatimeve preliminare vjedhje e energjia elektrike është mbi 40.000 mijë euro”, përfundon njoftimi. /Telegrafi/