“Kapelat kundër kopjimit” që i përdorën studentët në Filipine

Fotografitë e studenëve nga Filipinet duke bartur të ashtuquajturat “kapela kundër kopjimit”, gjatë provimeve në fakultet janë bërë hit në rrjetet sociale dhe shpejt u shpërndanë në mbarë botën.

Studentët e kolegjit të qytetit Legazpi janë lutur që të bartin mbulesa në kokë, për të parandaluar kopjimin në provim, transmeton Telegrafi.

Shumë pretendojnë se ato janë “punë dore” të punuara nga kartoni, kutitë e vezëve dhe materialeve tjera ricikluese.

Mentorja e tyre ka thënë për BBC se ka kërkuar një “mënyrë argëtuese”, që të sigurojë “integritet dhe respekt” në orët e mësimit.

Mary Joy Mandane-Ortiz, profesoreshë në Universitetin e Inxhinierisë Bicol, ka thënë se “ideja ka qenë shumë efikase”.

Mandane-Ortiz ka thënë se kërkesa e saj për studentët, fillimisht ishte që të “bëjnë një dizajn interesant të kapelës nga letra”.

Ajo u inspirua nga teknika që u përdor në Tajlandë disa vite më parë. /Telegrafi/

ENGINEERING STUDENTS TAKE 'ANTI-CHEATING HAT' TO THE NEXT LEVEL 🤣

LOOK: These engineering students from Albay, Bicol, make rounds on social media for wearing creative "anti-cheating headgear" during their exams. | 📷: Mary Joy Mandane-Ortiz via Micah Marcellones, @cebudailynews pic.twitter.com/GE90Pqw7PO

— Inquirer (@inquirerdotnet) October 20, 2022