Kanye West shihet kokulur në Berlin një ditë pas thashethemeve se tradhtoi ish-gruan e tij Kim Kardashian

Kanye West tronditi fansat kur la të kuptohej se e kishte tradhtuar gruan e tij, Kim Kardashian, në një nga këngët e reja të tij.

Por reperi, 44 vjeç, shmangu polemikat të enjten, duke u nisur për një pushim të papritur në Berlin, Gjermani, shkruan DailyMail.

Ai u pa në kryeqytetin gjerman duke u ndalur në disa galeri arti para një darke luksoze dhe një ndalese natën vonë pranë grupit të John Wick 4.

Ai shmangu vëmendjen e kalimtarëve duke vënë një maskë të zezë për të fshehur fytyrën e tij të famshme.

Kanye gjithashtu kishte veshur pantallona të zinj, një kapele dhe çizme të forta ndërsa mbante në vesh një palë kufje.

Ylli filloi ditën e tij duke vizituar artet e Berlinit si Muzeu Pergamon, galerinë ‘Hamburger Bahnhof’ dhe koleksionin e famshëm gjerman ‘Julia Stoschek’ para se të takohej me një fotograf vendas të quajtur Holger për të parë më shumë.

West pyeti vendasin për një udhëtim, por më pas tha se vetura ishte ‘shumë e ndotur’ për të hipur, sipas Page Six.

Ai përfundimisht u fut dhe shkoi për të ngrënë darkë me shokun e tij të ri në ‘Lutter & Wegner’.

Pas takimit të tyre, Kanye dhe Holger shkuan në Institutin KW për Artin Bashkëkohor, ku West bleu një xhaketë të markës ‘KW’ në të cilën ishte më shumë se i lumtur ta shikonte.

Më pas, ata u drejtuan drejt Boros Bunker, një galeri e kthyer në bunkerin e artit bashkëkohor, skulpturave dhe instalimeve nga mbi 500 artistë.

Kanye pastaj u kthye në hotelin ‘SoHo House’ për t’u pastruar para darkës në ‘Grill Royal’ pranë lumit Spree.

Reperi ishte përsëri në lëvizje pasi kishte ngrënë, duke shkuar në xhirimet e John Wick 4 vetëm një shëtitje të shkurtër larg.

Por para se të largohej ai i tregoi me krenari një fotografi të katër fëmijëve të tij.

Filmi i fundit i John Wick është xhiruar aktualisht nën një urë treni përballë stacionit të trenit ‘Friedrichstrasse’ në rrugën ‘Schiffbauer Damm’.

Atje, West ishte i ngazëllyer për t’u takuar me yllin Keanu Reeves.

Ekskursioni i madh i Kanyet vjen pasi ai ndezi spekulimet për një tradhti të mundshme ndaj gruas së tij, Kim Kardashian pas lindjes së dy fëmijëve të tyre të parë.

Në disa vargje të këngës së tij ‘Hurricane’, aludohet se ai rrëfen pabesinë e tij, raporton PageSix.

“Kënga është në një farë mënyre dëshmia e tij për gjithçka që ai bëri gabim dhe merr përgjegjësi për prishjen e martesës së tyre”, tha një burim për kuptimin e mundshëm të këngës. /Telegrafi/