Një qytetar serb është arrestuar këtë të martë pasi në dy raste të ndara ka kanosur dy viktima.
Policia njofton se në rastin e parë, më datë 26.05.2023, viktima femër kosovare serbe kishte raportuar se ndjehet e kërcënuar nga i/të dyshuar meshkuj serbë.
“Viktima po ashtu ka potencuar se nga një i dyshuar mashkull serb ka pranuar një mesazh kërcënues si dhe sipas saj ka parë person/a të maskuar, me gurë, duke bërë lëvizje për rreth zonës ku e njëjta jeton”, thuhet në njoftimin për media.
Ndërsa në rastin e dytë më datë 05.06.2023 viktima mashkull kosovar serb ka raportuar se ishte kanosur me fjalë kërcënuese përmes telefonit nga i dyshuari mashkull kosovar serb.
“Lidhur me rastet është identifikuar dhe arrestuar i dyshuari B.DJ., (1981), mashkull kosovar serb ndaj të cilit të gjitha veprimet e mëtejme do të ndërmerren në bashkëpunim dhe koordinim me organet e drejtësisë”, thuhet tutje në komunikatë.
Policia e Kosovës thotë se mbetet e përkushtuar të hetojë të gjitha aktet kriminale dhe të parandalojë shfaqjen e dhunës./Telegrafi/
