Kandidatët për kryetarë komunash që morën më së shumti vota nga diaspora

KQZ ka njoftuar se në QNR ka përfunduar numërimi i votave jashtë Kosovës.

Këto fletëvotime janë dërguar përmes postës në adresë të KQZ-së gjatë periudhës 15 shtator – 15 tetor, për Zgjedhjet Lokale 2021.

Në mesin e dhjetë kandidatëve për kryetarë komune që kanë fituar më së shumti vota nga jashtë vendit, gjysma e tyre janë kandidatë nga radhët e LDK-së.

Ardian Shala (LDK) – 711 vota;

Ruzhdi Shehu (LDK) – 446 vota;

Bexhet Xheladini (LDK) -359 vota;

Agron Kuçi (AAK) – 332 vota;

Gazmend Muhaxheri (LDK) – 331 vota;

Bali Muharremaj (AAK) – 307 vota;

Bekim Azizi (PDK) – 289 vota;

Mimoza Kusari-Lila (LVV) – 289 vota;

Bashkim Ramosaj (AAK) – 235 vota;

Arben Vitia (LVV) – 231 vota;

Ilir Ferati (LDK) – 231 vota;

Në faqen zyrtare të KQZ-së në Facebook janë publikuar votat e diasporës për kandidatët për kryetarë të komunave.

Suharekë

Ardian Shala nga LDK-ja ka marrë 711 vota nga diaspora, pastaj Bali Muharremaj nga AAK-ja me 307 vota. Salih Zyba i LVV-së, 147 vota dhe Murtez Zekolli – PDK, 61 vota.

 Gjilan

Alban Hyseni i VV-së prin me votat me postë duke marrë 199 vota. Pas tij është Lutfi Haziri i LDK-së me 99 vota, Nazmi Gagica i AAK-së me 1 votë, Lulzim Bexheti me 4 vota, Gani Neziri me 1 vot. Dhe Leonora Morina-Bunjaku i PDK-së me 20 vota.

 Junik

Ruzhi Shehu i LDK-së mori 446 vota. Agron Kuçi i AAK-së mori 330 vota nga diaspora.

Podujevë

Shpejtim Bulliqi i LVV-së ka marrë 161 vota, Besnik Tahiri i AAK-së 8 vota, Ekrem Hyseni i LDK-së 25 vota dhe kandidatët tjerë asnjë votë.

Skenderaj

Fadil Nura i PDK-së ka marrë 87 vota dhe Bekim Jashari 26.

Mamushë

Abdulhadi Krasniç i KDTP-së ka marrë 55 vota, Arif Butuç nga KATP ka marrë 20 vota, Ilyas Byraktar ka marrë 33 vota dhe Riza Kruezi nga IE nuk ka marrë asnjë.

Klinë

Zenun Elezaj i AAK-së ka marrë 140 vota, Lulzim Dragidella i LVV-së ka marrë 36, Besim Hoti i LDK-së 35 dhe Esat Raci i PDK-së 24.

Novobërdë

Abdyl Gashi i LVV-së ka marrë 5 vota, Sasa Milosevic i SL-së asnjë votë, Bajrush Ymeri i LDK-së 70 vota dhe Selatin Nuhiu i PDK-së asnjë votë.

Shtërpcë

Besim Islami i LVV-së ka marrë dy vota, Fakrih Hasani i BPSH-së 11 vota dhe kandidatët tjerë asnjë votë.

Obiliq

Halil Thaçi i LVV-së ka marrë 22 vota, Xhafer Gashi 8 vota, Mehmet Krasniqi i LDK-së tri vota, ndërkaq kandidatët tjerë asnjë votë.

Kaçanik

Jeton Raka i VV-së ka marrë 56 vota, Shkelqim Jakupi i LDK-së 17 vota, Besim Ilazi i PDK-së 10 vota, Shukri Luta 13 vota dhe Kastriot Bushi asnjë votë.

Fushë-Kosovë

Enver Bajçinca i LVV-së ka marrë 49 vota, Burim Berisha i LDK-së 13, Hasan Ismajli i AAK-së 2 vota dhe Rrahim Tërnava i PDK-së 11 vota.

Vushtrri

Arsim Rexhepi i LVV-së ka marrë 37 vota, Xhafer Tahiri i LDK-së 33, Ferit Idrizi i PDK-së 10 dhe kandidatët tjerë asnjë votë.

Shtime

Qemajl Aliu i LVV-së ka marrë 66 vota, Bedri Zeqiri i LDK-së 5 vota dhe Naim Ismaili i PDK-së 4 vota.

Kamenicë

Kadri Rahimaj i VV-së ka marrë 168 vota, Qendron Krastrati 63, Faton Jakupi i AAK-së 10, Jeton Biqkaj i LDK-së 12, Muhamed Kallaba i PDK-së 12 dhe Albert Sermaxhaj i Nismës asnjë votë.

Mitrovicën e Jugut

Agim Bahtiri ka marrë 69 vota, Armend Agolli 19 dhe Bedri Hamza 40.

Deçan

Bashkim Ramosaj 235, Hyri Dobrunaj i LDK-së 153, Orgest Tafilaj i LVV-së 35, Isa Elezaj 4 vota dhe Ardiana Qorraj e PDK-së 1 votë.

Han të Elezit

Mehmet Ballazhi i PDK-së ka amrrë 53 vota, Rufki Suma 16 dhe Sherif Berisha i LVV-së tri vota.

Mitrovicën e veriut

Erden Atiq ka marrë një votë e në Kllokot Sada Mirkoviq katër vota.

Sipas rezultateve preliminare të shpallura nga Komisioni Qendror i Zgjedhjeve, nga 38 komunat ku janë zhvilluar zgjedhjet, në 16 komuna janë shënuar fitore të partive dhe 21 komuna do të shkojnë në raundin e dytë të zgjedhjeve lokale në Kosovë.

Ndërkaq, Paneli Zgjedhor për Ankesa dhe Parashtresa ka anuluar rezultatet për kryetar komune në Han të Elezit dhe ka urdhëruar që në këtë komunë të përsëritet votimi.

Bazuar në rezultatet preliminare të KQZ-së, Lista Serbe ka fituar nëntë komuna, Partia Demokratike e Kosovës ka fituar katër komuna, Aleanca për Ardhmërinë e Kosovës dhe Lidhja Demokratike e Kosovës nga dy komuna, kurse Lëvizja Vetëvendosje nuk ka arritur të fitojë asnjë komunë në raundin e parë.

Raundi i balotazhit do të mbahet më 14 nëntor./Telegrafi/