Kanceri tek kafshët shtëpiake – njihni shenjat paralajmëruese

Kanceri është një shqetësim i madh për pronarët e kafshëve shtëpiake, por shumë nuk i dinë shenjat paralajmëruese. Duke edukuar veten dhe duke bërë planifikime, ju mund të ndihmoni kafshën tuaj.

Kanceri është një nga shkaqet kryesore të vdekjes për macet dhe qentë. Një sondazh i fundit nga “PetFirst Pet Insicure” zbuloi se 94 përqind e pronarëve të kafshëve shtëpiake shqetësohen të paktën pak për këtë sëmundje. Shqetësimet e tyre ishin bazuar në përvojën paraprake. Rreth 45 përqind e të anketuarve kanë humbur një kafshë nga kanceri – dhe rreth 8 përqind kishin një kafshë shtëpiake që ishte shëruar ose ishte duke u trajtuar, transmeton Telegrafi.

Rëndësia e zbulimit të hershëm

Sipas Fondacionit të Kancerit të Kafshëve, rreth 12 milion qen dhe mace marrin diagnoza të kancerit çdo vit. Por, megjithë shqetësimin, afro 60 përqind (58.9 përqind) e prindërve të kafshëve thanë se nuk ishin të sigurt se do të zbulonin shenjat e hershme të kancerit.

Ashtu si me njerëzit, zbulimi i hershëm mund të bëjë një ndryshim. Por kafshët shtëpiake jo gjithmonë i demonstrojnë qartë simptomat e tyre. Qendra e Kancerit të Kafshëve Flint të Universitetit Shtetëror Kolorado kohët e fundit ka detajuar disa nga shenjat e zakonshme të kancerit në kafshët shtëpiake, të cilat përfshijnë:

• Ënjtje anormale që vazhdojnë të rriten
• Plagë që nuk shërohen
• Humbje të pashpjegueshme e peshës
• Mungesë e oreksit
• Gjakderdhje
• Vështirësi në ngrënie ose gëlltitje
• Hezitim për të ushtruar ose humbje të qëndrueshmërisë
• Qetësia e vazhdueshme
• Vështirësi në frymëmarrje ose urinim

Në një pyetje të hapur të sondazhit që pyeste njerëzit për histori personale, ato lloje të simptomave u përmendën shpesh – megjithëse kanceri ishte akoma kapur shumë vonë në disa raste. “Kemi pasur disa kafshë shtëpiake që vdesin nga kanceri,” shkroi një i anketuar. “Gjithmonë u zbulua kur kafshët shtëpiake ndaluan së ngrëni… Sa herë që zbulohej, ata kishin kancer që ishte metastazuar dhe kanceri ishte shumë i rritur për t’u trajtuar.”

/Telegrafi/