Modelet më të reja të iPhone dallohen nga kamerat e tyre të fuqishme dhe modelet e ardhshme mund të jenë edhe më të mira.

Kamerat e iPhone prodhojnë foto të mprehta, të gjalla dhe realiste. Megjithatë, një veçori që këto kamera nuk e kanë aktualisht është zmadhimi i periskopit.

Më së shumti që mbështesin modelet aktuale është zmadhimi optik 3x. Me një lente periskopi, kjo potencialisht mund të zmadhohet deri në 10x.

Sipas Ming-Chi Ku, një analist i njohur në ekosistemin Apple, të paktën një model i iPhone 15 do të vendosë një lente periskopi.

Kuo beson se kamera e periskopit do të arrijë në iPhone gjatë vitit 2023. Mbetet për t’u parë nëse ky ndryshim do të rrisë madhësinë e fryrjes për kamerat në pjesën e pasme.

Para kësaj, Kuo beson se linja e iPhone 14 do të zbatojë një kamerë 48MP në modelet Pro. Ky do të jetë një nga përmirësimet më të rëndësishme të kamerave celulare të Apple, nëse informacioni rezulton i saktë.

Ming-Chi Kuo parashikoi më parë se modelet e iPhone 14 Pro mund të mbështesin sensorë 48MP dhe 12MP dhe do të përdorin procesin e “binning pixel” për të krijuar foto cilësore. /Telegrafi/