Ana Kamçeva, gruaja e afaristit Orce Kamçev në seancën e sotme për rastin “Haraçi” tha se ish-prokurorja speciale Katica Janeva, asnjëherë personalisht nuk ka kërkuar para. Ajo gjithashtu tha se Janeva asnjëherë nuk ka qenë e pranishme kur janë dorëzuar paratë.

Ajo sqaroi se “haraçi” është marrë përmes Bojan Jovanovskit. Kamçeva gjithashtu tha se Janeva e ka telefonuar burrin e saj Kamçev, derisa ai ka qenë në arrest shtëpiak për rastin “Perandoria”, të cilit i ka thënë se “gjithçka do të jetë ok”, përcjell Telegrafi Maqedoni.

Më pas Kamçevën e ka pyetur i akuzuari Bojan Jovanovski. Ai e pyeti atë për përmbajtjet e bisedave të takimeve të tyre.

Jovanovski vazhdoi ta pyes Kamçevën sa herë e ka vizituar në Sistina, gjatë kohës së intervenimeve kirurgjike.

Gjatë dëshmisë së saj, Kamçeva tha se “Boki 13” ka qenë sikur prokuror special, pasi sipas saj, ai ka ditur çdo gjë në lidhje me lëndët e PSP-së dhe arrestimet që do të ndodhin./Telegrafi/