Deputeti shqiptar në Parlamentin e Serbisë, Shaip Kamberi thotë se Bashkimi Evropian duhet t’i reagojë Serbisë për mosrespektimin e marrëveshjes lidhur me tabelat. Në situatën e krijuar me reciprocitetin e targave ai deklaron se fajin e mban Serbia. Sjelljet e kësaj të fundit, konsideron se varen nga reagimet e ndërkombëtarëve.
Megjithatë, ai nuk pret destabilizim të gjendjes, por vetëm ashpërsim të retorikës karshi Kosovës. Në anën tjetër, ngrit shqetësimin që ky vendim do të krijojë telashe shtesë për shqiptarët e Luginës së Preshevës.
Shaip Kamberi nga Beogradi për KosovaPress thotë se mosrespektimi i marrëveshjes lidhur me tabelat theksohet edhe në Raportin e progresit të BE-së për Serbinë në vitin 2020.
“Ky vendim i fundit duhet parë në kontekst të mos zbatimit të marrëveshjes së tabelave të regjistrimit të marrëveshjes së Brukselit, të cilën Serbia po e injoron në vazhdimësi. Është një çështje e cila përmendet edhe në Raportin e Progresit të Serbisë, të cilën BE e ka publikuar në marsin e këtij viti. Ku i bëhet vërejtje Serbisë që nuk po zbaton këto marrëveshje. Prandaj edhe në këtë kontekst mendoj se është e drejtë masa që Qeveria e Kosovës ka vendosur”, deklaron ai.
Ai konsideron që vendimi i Qeverisë së Kosovës do t’ju krijojë telashe shtesë shqiptarëve të Luginës së Preshevës. Por, sipas tij duhet t’i bëhet me dije Serbisë që shkelja e marrëveshjes ka një çmim.
“Ajo që për neve është një shqetësim plotësues për banorët e Luginës së Preshevës se besoj që kjo do të ndërlikojë qarkullimin e lirë të njerëzve. Sepse nuk e di sa është e përgatitur ministria kompetente lidhur me procedurat administrative të mos krijimit të tollovive në kufi. Përndryshe unë shpresoj që do të mbahet premtimi publik që do të kompensohen qytetarët e Luginës së Preshevës të gjitha pagesat që bëhen në emër të kësaj mase”, shton Kamberi për KosovaPress.
Më tej, deputeti shqiptar në Parlamentin e Serbisë beson se ky vendim është dakorduar me miqtë ndërkombëtarë.
“Unë shpresoj që ky vendim së pari është dakorduar me miqtë ndërkombëtarë. Shpresoj që qeveria e di përgjegjësinë që ka marrë, se Serbia mezi po pret të tensionoj situatën për të dëshmuar se Kosova është ajo që po destabilizon raportet mes dy shteteve, por edhe raportet në tërësi në ballkan. Në këtë aspekt, unë besoj dhe shpresoj që qeveria ka pasur një konsultim me faktorët ndërkombëtarë të cilëve u ka bërë me dije me kohë për masat që i ka ndërmarrë”, deklaron ai.
Reagimi i serbëve në veri, siç thotë ai, ka qenë i pritur, meqë të njëjtit janë një pakicë e cila me vjet të tëra është e privilegjuar. Kamberi thotë se këto sjellje varen nga vendimet e presidentit Aleksandër Vuçiq, që rrjedhin edhe nga reagimet e ndërkombëtarëve.
“Unë besoj se duhet të ketë, se çështja e tabelave përmendet si një shkelje të cilën Serbia në vazhdimësi po e bën në Raportin e Progresit të vitit 2020. Meqenëse Serbia nuk ka në këta nëntë muajt e këtij viti, asnjë kapitull të hapur të integrimit në BE, kjo flet qartë se ajo po i shmanget rrugës evropiane. Qe duhet të ketë një reagim të Bashkimit Evropian në radhë të parë, që është ndërmjetësues i këtyre marrëveshjeve. Nuk ka kuptim të arrihen marrëveshjet në Bruksel edhe ato marrëveshje nga njëra palë të mos respektohen”, shprehet ai.
Ai nuk mendon se mund të ketë destabilizim të gjendjes, por që thekson se këtë është dashur ta mendojnë mirë institucionet vendore.
“Nuk besoj që Serbia do të ketë komoditetin e tillë që të krijoj destabilizim më të madh të gjendjes. Destabilizimi do të shkoj në aspektin verbal, për arsye se presidentit Vuçiqit dhe në përgjithësi nomenklaturës qeveritare këtu në prag të mbajtjes së zgjedhjeve presidenciale në vitin e ardhshëm e ndoshta edhe parlamentare, i konvenon një ashpërsim i retorikës karshi Kosovës. Prandaj ajo që mund të pritet një destabilizim më tepër i aspektit verbal, por për të cilën ne jemi mësuar në vazhdimësi të kemi në raport me Beogradin”, thotë deputeti shqiptar në Parlamentin e Serbisë.
Pas mbledhjes së Këshillit të Sigurisë, presidenti i Serbisë, Aleksandër Vuçiq ka thënë se në mënyrë që Kosova e Serbia të kthehen në bisedime, duhet që situata në veri të Kosovës të kthehet siç ka qenë më herët. Ai e ka quajtur “veprim kriminal”, vendimin e qeverisë për këtë masë.
Gjatë ditës së djeshme, Qeveria e Kosovës ka vendosur masën e reciprocitetit, duke mos lejuar qarkullimin e veturave me targa të Serbisë. Veturat me këto targa, në hyrje të Kosovës duhet të marrin targa të përkohshme. Tash e sa vjet obligohen qytetarët e Kosovës me targa RKS t’i ndërrojnë ato kur futen në Serbi.
Promo
Reklamo këtuLufta Prigozhin - Putin
Më shumëArratiset Enver Sekiraqa, policia ka informuar të gjitha vendkalimet kufitare
Arratisja e Enver Sekiraqes, flet avokatja e tij
Kupchan: Përgatitja për themelimin e Asociacionit, vendim i rëndë për Kosovën
Flet shqiptari që vrau gruan: Nuk pendohem, hante me paratë e mia dhe më tradhtonte
Serwer ngre pikëpyetje: Çfarë duhet bërë me Asociacionin?
Goditen grupet kriminale në Shqipëri, sekuestrohen pasuri në vlerë 4.5 milionë euro, arrestohen 50 persona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare