Juventusi vazhdon ta paguajë Paul Pogban, por paga e tij është skandaloze për dallim me yjet e tjerë

Paul Pogba, mesfushori i Juventusit dhe kampioni i botës me Francën në vitin 2018, është pezulluar për katër vjet për përdorimin e fondeve të paligjshme.

Kështu ka vendosur prokuroria italiane për luftën kundër dopingut. Duke qenë se Pogba për dy javë mbush 31 vjeç, një pezullim kaq i gjatë do të thotë fundi i karrierës së tij.

Mesfushori i kombëtares franceze dhe Juventusit u suspendua për katër vite të enjten pasi testi i dytë rezultoi pozitiv për substancën e ndaluar testosteron.

Pogba u pezullua për herë të parë në shtator pasi rezultoi pozitiv pas fitores 3-0 të Juventusit ndaj Udineses në hapjen e sezonit të Serie A më 20 gusht, ku ai nuk ishte në fushë.

Pogba njoftoi apelimin e tij në Gjykatën e Arbitrazhit Sportiv në Lozanë. Është interesante se Pogba është ende në listën e pagave te Juventusi, por jo në një mënyrë që paga e tij të ndikojë në librat e klubit italian.

Lexo po ashtu Lista me yjet e futbollit që ranë në rrjetën e dopingut, nga Maradona te Guardiola e së fundmi Pogba

Përkatësisht, siç shkruan Marca, Pogbas i është ulur në mënyrë drastike paga.

Deri më tani ai fitonte tetë milionë euro në vit, ndërsa tani do të marrë vetëm dy mijë euro në muaj, ose 24 mijë euro në vit nga Juventusi. /Telegrafi/