Juventusi në kontakte me agjentin, gati oferta për Verrattin

Gjiganti italian, Juventusi po vlerëson një lëvizje për mesfushorin e Paris Saint-Germain, Marco Verratti.

Zonja e Vjetër është e interesuar të përforcoj edhe më shumë skuadrën për sezonin e ri dhe në veçanti repartin e mesfushës.

Ata thuhet se janë të gatshëm të mirëpresin mesfushorin e Liverpoolit, Emre Can, si një transferim i lirë, por Juve po përgatisin gjithashtu një ofertë për Verrattin.

Lexo po ashtu Juve rikthen interesimin për Verrattin

Sipas mediumit italian Corriere dello Sport, Juve është në kontakt me Mino Raiolan, i cili u bë agjent i Verratit më parë këtë vit.

Drejtuesit e Bianconerëve thuhet se ia kanë bërë të qartë agjentin Raiola se duan të sjellin italianin në shtëpi këtë verë.

PSG e konsideron Verratti në shifrën e 80 milionë eurove dhe ky çmim nuk pritet të jetë problem për klubin italian.

Lexo po ashtu Formacioni i vitit në Ligue 1, dominohet nga lojtarët e PSG-së

Gjithashtu Juventusi është thënë se është gati të ofrojnë edhe shtatë milionë euro në vit për Verrattin.

Përkundër shpenzimeve të mëdha financiare të përfshira, Juventusi është entuziast për sjelljen e Verratit në Itali për sezonin e ardhshëm. /Telegrafi/